Министрлик бул жылы сурдокотормо кызматына 5 миллион сом жумшайт

© Фото / Pexels/ Kevin MalikЯзык жестов
Язык жестов - Sputnik Кыргызстан, 1920, 07.03.2023
Жазылуу
Учурда өлкөдө 205 миңден ашык ден соолугунун мүмкүнчүлүгү чектелген адам бар, анын ичинен 36 миңи — балдар.
БИШКЕК, 7-мар. — Sputnik. Эмгек, социалдык камсыздоо жана миграция министрлиги 2023-жылда угуусу жана сүйлөөсү начар адамдар үчүн сурдокотормолорго 5 миллион сом жумшайт. Бул тууралуу министр Кудайберген Базарбаев "Келин темир эмес" комедиялык тасмасынын бет ачарында айтканын мекемеден маалымдашты.
"Президент Садыр Жапаров тарабынан ден соолугунан улам мүмкүнчүлүгү чектелген жарандарга өзгөчө көңүл бурулууда. Биздин министрлик Жогорку Кеңештин депутаты Дастан Бекешев менен биргеликте биринчи жолу сурдокотормого 5 миллион сом бөлүүнү демилгеледи. Учурда өлкөдө 205 миңден ашык ден соолугунун мүмкүнчүлүгү чектелген адам бар, анын ичинен 36 миңи — балдар. 120 миңден ашык жаран социалдык пенсия алат", — деген Базарбаев.
"Келин темир эмес" тасмасы ден соолугунун мүмкүнчүлүгү чектелген чыгармачыл адамдарга колдоо көрсөткөн "Бурис" коомдук фондунун жетекчиси Нышана Жээналиева тарабынан тартылган. Жээналиева биринчи топтогу майып.
Сотрудник минтруда и социального развития КР Кульира Кубатова - Sputnik Кыргызстан, 1920, 28.09.2020
Радио
Кубатова: угуу жана сүйлөөсү начар адамдарга сурдокотормо кызматы көрсөтүлөт
Жаңылыктар түрмөгү
0