Ысык-Көлдүн курорттук аймагындагы 63,8 млн. сомдук жер мамлекетке кайтарылды

Ысык-Көл. Архив - Sputnik Кыргызстан, 1920, 24.02.2023
Жазылуу
Чок-Тал жана Өрнөк айылдарынын ортосунда жайгашкан жердин аянты 4,62 гектарды түзөт. Ал мыйзамсыз менчиктелип кеткен.
БИШКЕК, 24-фев. — Sputnik. Ысык-Көл районунун курорттук-рекреациялык аймагында жайгашкан 63,8 миллион сомдук жер участогу мамлекетке кайтарылды. Бул тууралуу Башкы прокуратура билдирди.
Чок-Тал жана Өрнөк айылдарынын ортосунда жайгашкан жердин аянты 4,62 гектарды түзөт.
Текшерүү учурунда 2013-жылы Ысык-Көл райондук сотунун чечиминин негизинде Ч.Т. аттуу жарандын наамына "Кадастр" мамлекеттик мекемесинин Ысык-Көл филиалы тарабынан жер мыйзамдарынын талаптарын бузуу менен жеке менчик укугу жөнүндө эки мамлекеттик акт берилгендиги аныкталган. Андан соң жер тилкеси 18 адамга өтүп кеткен.
Текшерүүнүн жыйынтыгында райондук прокуратура тарабынан Ысык-Көл облустук сотуна райондук соттун чечимин жокко чыгаруу боюнча доо арыз берилип, облустук сот аны толугу менен канааттандырган.
"Соттун чечимдери менен жер участогун сатуу жана сатып алуу боюнча бардык келишимдер жараксыз деп табылды", — деп айтылат маалыматта.
Прокуратура тарабынан Чоң-Сары-Ой айыл өкмөтүнө мыйзам бузууларды жоюу жөнүндө талап коюлуп, анын негизинде базар баасы 63 миллион 806 миң сомду түзгөн 4,62 гектар жер тилкеси мамлекетке кайтарылды. Ал эми мурунку ээлеринин менчик укугу белгиленген тартипте жокко чыгарылды.
Ош шаары. Архив - Sputnik Кыргызстан, 1920, 22.02.2023
Ошто мыйзамсыз менчиктелген 18 млн. сомдук жер мэрияга кайтарылды
Жаңылыктар түрмөгү
0