https://sputnik.kg/20230223/sadyr-zhaparovdun-23-fevralga-karata-kuttuktoosu-1073093055.html
Жапаров: Кыргызстандын бардык коргоочуларына башыбызды ийип таазим кылабыз
Жапаров: Кыргызстандын бардык коргоочуларына башыбызды ийип таазим кылабыз
Sputnik Кыргызстан
Өлкө башчы Куралдуу күчтөрдүн дараметин мындан ары да өркүндөтүүгө өзгөчө көңүл бурулуп жатканын белгиледи. 23.02.2023, Sputnik Кыргызстан
2023-02-23T10:51+0600
2023-02-23T10:51+0600
2023-02-23T10:52+0600
кыргызстан
садыр жапаров
президент
мекен
майрам
куттуктоо
https://sputnik.kg/img/07e6/03/1f/1063285684_0:68:2822:1655_1920x0_80_0_0_f484bd4b489c8b08eab0918136bd4a90.jpg
БИШКЕК, 23-фев. — Sputnik. Президент Садыр Жапаров бүгүн, 23-февралда, кыргызстандыктарды Мекенди коргоочулар күнү менен куттуктады.Жапаров бул күндү салт болуп калгандай эле аскер кызматкерлери гана эмес, көкүрөгүндө мекен деген аруу сезим жашаган жамы журт жалпы өлкө боюнча белгилей турганын айткан.Президент нечендеген кылымдарды карыткан кыргыз элинин тарыхы мекенин жоодон коргогон баатырлардын айтып бүткүс эрдиктери менен коштолорун белгилеген.Күжүрмөн даярдыктын деңгээлин жогорулатуу, аскердик техника менен курал-жарактын жаңы түрлөрүн алуу, ошондой эле аскер кызматчыларынын жана алардын үй-бүлөсүнүн социалдык абалын жакшыртуу аркылуу Куралдуу күчтөрдүн дараметин мындан ары да өркүндөтүүгө өзгөчө көңүл бурулуп жатканын белгилеген."Ар бир адамга өз үй-бүлөсүн ар кандай кыйынчылыктардан коргоосу ар-намыс болсо, эч нерсеге алмашкыс Ата Мекен үчүн тикесинен тик туруп берүүсү — ыйык милдет болуп саналат. Сүйүктүү Кыргызстаныбызды көздүн карегиндей сактоодо берген антыңарга бекем туруп, аскердик милдетиңерди мындан ары да жогорку жоопкерчилик менен аткарасыздар деп ишенем!" — деди президент.Өлкө башчы жалпы мекен коргоочуларына чың ден соолук, кажыбас кайрат, бийик дем-күч жана үй-бүлөлүк бакыт-таалай каалаган.
https://sputnik.kg/20230222/deputat-kitep-belek-kylyshty-1073073470.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, садыр жапаров, президент, мекен, майрам, куттуктоо
кыргызстан, садыр жапаров, президент, мекен, майрам, куттуктоо
Жапаров: Кыргызстандын бардык коргоочуларына башыбызды ийип таазим кылабыз
10:51 23.02.2023 (Жаңыртылды: 10:52 23.02.2023) Өлкө башчы Куралдуу күчтөрдүн дараметин мындан ары да өркүндөтүүгө өзгөчө көңүл бурулуп жатканын белгиледи.
БИШКЕК, 23-фев. — Sputnik. Президент Садыр Жапаров бүгүн, 23-февралда, кыргызстандыктарды Мекенди коргоочулар күнү менен куттуктады.
Жапаров бул күндү салт болуп калгандай эле аскер кызматкерлери гана эмес, көкүрөгүндө мекен деген аруу сезим жашаган жамы журт жалпы өлкө боюнча белгилей турганын айткан.
"Биз бул күнү Ата Мекенин коргоодо курман болгон кыргызстандыктардын эрдигин даңазалап, аларды сыймыктануу менен эскеребиз. Ошондой эле азыр да өлкөбүздүн тынчтыгын, бейпилдигин сактоого дайым даяр турган ардагерлерибизге ыраазычылык билдиребиз. Кыргызстандын бардык коргоочуларына башыбызды ийип таазим кылабыз", — деген өлкө башчы.
Президент нечендеген кылымдарды карыткан кыргыз элинин тарыхы мекенин жоодон коргогон баатырлардын айтып бүткүс эрдиктери менен коштолорун белгилеген.
"Алар Ата Журтуна берилүү менен ак кызмат кылуунун улуу өрнөгү катары бүгүн да, келечекте да кыргыз урпактарынын жүрөгүндө жашайт, демине дем берип, күчүнө күч кошот. Бүгүнкү күндө элибиздин улуу жетишкендиги — өлкөбүздөгү туруктуулук, тынчтык жана биримдик!" — деди ал.
Күжүрмөн даярдыктын деңгээлин жогорулатуу, аскердик техника менен курал-жарактын жаңы түрлөрүн алуу, ошондой эле аскер кызматчыларынын жана алардын үй-бүлөсүнүн социалдык абалын жакшыртуу аркылуу Куралдуу күчтөрдүн дараметин мындан ары да өркүндөтүүгө өзгөчө көңүл бурулуп жатканын белгилеген.
"Ар бир адамга өз үй-бүлөсүн ар кандай кыйынчылыктардан коргоосу ар-намыс болсо, эч нерсеге алмашкыс Ата Мекен үчүн тикесинен тик туруп берүүсү — ыйык милдет болуп саналат. Сүйүктүү Кыргызстаныбызды көздүн карегиндей сактоодо берген антыңарга бекем туруп, аскердик милдетиңерди мындан ары да жогорку жоопкерчилик менен аткарасыздар деп ишенем!" — деди президент.
Өлкө башчы жалпы мекен коргоочуларына чың ден соолук, кажыбас кайрат, бийик дем-күч жана үй-бүлөлүк бакыт-таалай каалаган.
22 Бирдин айы 2023, 14:59
