Сот Атамбаевге чет өлкөдө дарыланууга уруксат берди. Сүрөт

© AFP 2023 / VYACHESLAV OSELEDKOКР мурдагы президенти Алмазбек Атамбаев. Архив
КР мурдагы президенти Алмазбек Атамбаев. Архив - Sputnik Кыргызстан, 1920, 14.02.2023
Жазылуу
Жогорку сот Алмазбек Атамбаевге кримтөбөл Азиз Батукаевдин абактан мыйзамсыз бошотулушуна байланыштуу чечимин жокко чыгарды.
БИШКЕК, 14-фев. — Sputnik. Бишкектин Биринчи май райондук соту мурдагы президент Алмазбек Атамбаевге Кыргызстандын аймагынан чыгып чет өлкөдө дарыланууга уруксат берди.
Анын үй-бүлөсү ден соолугунда көйгөй бар экенин айтып келишкен. Буга чейин Атамбаевди Россия президентинин Иш башкармалыгынын ооруканасына чакырышкан. Бирок Жаза аткаруу кызматы уруксат берген эмес. 2016-жылы Атамбаев Москвадагы Борбордук клиникалык ооруканада дарыланган болчу.
Эске салсак, бүгүн, 14-февралда, Жогорку сот адвокат Замир Жоошев менен Сергей Слесаревдин жаңы ачылган жагдайларга байланыштуу Алмазбек Атамбаевдин кылмыш ишин кайра кароо боюнча өтүнүчүн канааттандырды. Чечим даттанууга жатпайт.
Ага ылайык, Алмазбек Атамбаевге кримтөбөл Азиз Батукаевдин абактан мыйзамсыз бошотулушуна байланыштуу чыгарылган чечим жокко чыгарылып, иш кайрадан кароо үчүн Биринчи май райондук сотуна жиберилди.
Атамбаев Молдовановкадагы абакта ушул иш боюнча кармалып турган. Чечим жокко чыгарылганына байланыштуу мурдагы президент эркиндикке чыгыш мүмкүн.
Мурдагы президент Алмазбек Атамбаев. Архив - Sputnik Кыргызстан, 1920, 14.02.2023
Жогорку сот Атамбаевге Батукаевдин иши боюнча чыккан өкүмдү жокко чыгарды
Жаңылыктар түрмөгү
0