Дагы бир россиялык футболчу Кыргызстандын жарандыгын алды

© Sputnik / Григорий Соколов / Медиабанкка өтүүМоскванын "Динамо" клубунун бүтүрүүчүсү Андрей Хрипков (солдо). Архив
Москванын Динамо клубунун бүтүрүүчүсү Андрей Хрипков (солдо). Архив - Sputnik Кыргызстан, 1920, 01.02.2023
Жазылуу
Бул жакынкы убакта Кыргызстандын жарандыгын алган экинчи россиялык футболчу. Буга чейин Туланын "Арсеналынын" дарбазачысы Антон Коченков жарандык алган.
БИШКЕК, 1-фев. — Sputnik. Москванын "Динамо" клубунун бүтүрүүчүсү Андрей Хрипков Кыргызстандын жарандыгын алып, Эл аралык футбол федерациясынан (ФИФА) "Ак шумкар" клубунда ойноого уруксат бере турган расмий документти күтүп жатат. Бул тууралуу Match TV телеканалына өздүк булагы билдирди.
Кыргызстанда төрөлгөн коргоочу Хрипков өлкөнүн жаштар командаларында ойногон, бирок карьерасында россиялык клубдар басымдуулук кылат. 32 жаштагы футболчу январь айында "Машук КМВдан" Бишкектин "Дордоюна" өткөн.
"Хрипков керектүү документтерди чогултуп, Кыргызстандын жарандыгын алды. Ал Кыргызстандын улуттук курама командасында ойноого даяр. Эми ФИФАнын ырастоосу күтүлүүдө, документ февралдын ортосуна чейин даяр болушу керек", — деп билдирген булак.
Буга чейин "Ак шумкардын" башкы машыктыруучусу Александр Крестинин журналисттерге берген маегинде Туланын "Арсеналынын" дарбазачысы Антон Коченков Кыргызстандын жарандыгын алгандыгын, эми ал Кыргызстандын улуттук курамасында ойной турганын маалымдаган.
Кыргызстандын футбол боюнча курама командасы. Архив - Sputnik Кыргызстан, 1920, 19.01.2023
Кыргызстан менен Италиянын футбол ассоциациялары кызматташууну көздөөдө
Жаңылыктар түрмөгү
0