АКШдагы афроамерикалыктын өлүмү: Байдендин рейтингине доо кетери айтылууда

© Sputnik / Стрингер / Медиабанкка өтүүНью-Йорк шаарындагы полиция кызматкерлери. Архив
Нью-Йорк шаарындагы полиция кызматкерлери. Архив - Sputnik Кыргызстан, 1920, 29.01.2023
Жазылуу
Бул АКШдагы афроамерикалыктардын полиция тарабынан өлтүрүлүшү боюнча алгачкы нааразычылык акциясы эмес.
БИШКЕК, 29-янв. — Sputnik. АКШнын Мемфис шаарында полиция кызматкерлери афроамерикалыкты өлтүргөндөн кийин көчөгө жүздөгөн кишилер митингге чыгууда. Масштабы кеңейип кетиши мүмкүн делип жаткан нааразылык акциялары президент Жо Байдендин рейтингине терс таасирин тийгизерин Эл аралык гуманитардык жана саясий изилдөөлөр институтунун эксперти Владимир Брутер РИА Новости агенттигине берген маегинде айтты.
Буга чейин Мемфис полициясы жергиликтүү тургундун өз кызматкерлери тарабынан сабалып, кийин каза болгону тууралуу видеотасмаларды тараткан. Полиция алгач унааны токтотуп, ичинен 29 жаштагы Тайре Николсту сүйрөп чыгып тротуарга ыргыткан. Адегенде ал каршылык көрсөтпөй, бирок кийин патрулчулар электрошокер колдонгонуна карабай качып кетүүгө үлгүргөн.
Кийин Николстун акыры каза болуп калганы белгилүү болуп, эл арасында нааразылык жарата баштады. Митингге чыккандар "Полициянын террорун токтоткула!" деген баннерлерди көтөрүп алышкан.
"Менин оюмча, нараазычылык акциялары сөзсүз түрдө президенттин рейтингине терс таасирин тийгизет. Ансыз да Байдендин рейтинги алда канча артта калды. Партиялаштары муну канчалык тезирээк факт катары кабыл алышса, кийинки шайлоого даярдануу ошончолук жеңил болот. Эгер алар Байденди дагы деле кармап тура берсе, бир топ кыйынчылыкка туш болушат", — деди Брутер.
Эске салсак, бул АКШдагы афроамерикалыктардын полиция тарабынан өлтүрүлүшү боюнча алгачкы нааразычылык акциясы эмес.
2020-жылы майдын аягында 46 жаштагы афроамерикалык Жорж Флойд Миннеаполисте полиция кармап күч колдонгондон кийин көз жумган. Маркум жасалма акча пайдаланды деген шек менен кармалган. Полиция кызматкерлери афроамерикалыктын колуна кишен салгандан кийин жыгып, үчөөлөп басып калган видео тараган. Бирөөсү моюндун күрөө тамыр өткөн бөлүгүн тизеси менен кысып, басып турат. Флойддун бир нече жолу "дем ала албай жатам" деп айтканы, андан кийин тынчып калганы көрсөтүлгөн.
Анын өлүмү элдин жаалын кайнатып, АКШда эле эмес, башка жерлерде да нааразылык толкундарын жаратты. Ал эми Американын бир нече шаарында башаламандык болуп, талап-тоноо күч алган.
АКШнын президенти Жо Байден. Архив - Sputnik Кыргызстан, 1920, 28.01.2023
Россиянын Донбассты коргоо боюнча атайын операциясы
АКШ Россия менен тирешүү ойлогондон бир топ оор экенине көзү жетти
Жаңылыктар түрмөгү
0