Радиостудия Sputnik Кыргызстан в Бишкеке - Sputnik Кыргызстан, 1920
Радио

Окуучуга мыкты мүмкүнчүлүк. Адис улуттук олимпиаданын артыкчылыгы тууралуу

© Sputnik / Асел АкматВедущий специалист отдела школьной образовательной политики и книгоиздания МОиН Айнура Кусеинова
Ведущий специалист отдела школьной образовательной политики и книгоиздания МОиН Айнура Кусеинова - Sputnik Кыргызстан, 1920, 23.01.2023
Жазылуу
НовостиTelegram
Билим берүү жана илим министрлигинин мектептеги билим берүү саясаты жана китеп басып чыгаруу башкармалыгынын жетектөөчү адиси Айнура Кусеинова улуттук олимпиада табигый так илимдерге басым жасап келерин айтты.
Мектеп окуучулары арасында 2019-2020-окуу жылынан бери уюштурулуп келе жаткан улуттук олимпиаданын алгачкы этабы 21-январда башталды. Бул тууралуу Айнура Кусеинова Sputnik Кыргызстан радиосунун эфиринде маек куруп жатып билдирди.
Окуучуга мыкты мүмкүнчүлүк. Адис улуттук олимпиаданын артыкчылыгы тууралуу
Анын айтымында, аталган олимпиада төрт этап менен өтмөкчү.
"Улуттук олимпиаданын биринчи этабы январда, экинчи этабын февралда онлайн форматта өткөрүү пландалган. Биринчи этабы 21-январда башталды. Ал эми калган эки этап март, апрель айларында оффлайн форматта болот. Республикалык олимпиададан айырмаланып, мында окуучулардын санына чек коюлбайт. Кааласа бир класста окугандардын баары бир сабактан катыша алат. Улуттук олимпиада — мектеп окуучулары үчүн эң сонун мүмкүнчүлүк. Алар математика, физика, химия, биология жана информатика предметтери боюнча өз күчүн сынай алышат. Жеңүүчүлөр эл аралык олимпиадага барып, катышып келгенге жолдомо алат", — деди адис.
Ал барган сайын мектеп окуучуларынын арасында улуттук олимпиадага кызыккандардын саны өсүп жатканын кошумчалады.
Жаңылыктар түрмөгү
0