Путин ЕАЭБ мамлекеттеринин лидерлерине кайрылды

© Sputnik / Павел Бедняков / Медиабанкка өтүүРоссия президенти Владимир Путин. Архив
Россия президенти Владимир Путин. Архив - Sputnik Кыргызстан, 1920, 23.01.2023
Жазылуу
НовостиTelegram
Эске салсак, Россиянын ири интеграциялык уюмга төрагалык кылуусу быйылкы жылдын 1-январынан тарта башталды.
БИШКЕК, 23-янв. — Sputnik. Владимир Путин Евразиялык экономикалык биримдикке мүчө мамлекеттердин башчыларына Россиянын Жогорку евразиялык экономикалык кеңешке, Евразиялык өкмөт аралык кеңеш жана Евразиялык экономикалык комиссияга төрагалык кылышына байланыштуу кайрылуу жолдоду. Бул тууралуу Кремлдин сайтында кабарланды.
"Миңден ашуун жылдардан бери биздин элдер биргеликте жашап, географиялык мейкиндикти бирге өздөштүрүп келе жатат. Тарыхый тагдырды биргелешип түшүнүү, көп кылымдык чарбалык байланыштарды сезип, биримдикке кирген өлкөлөрдүн элдеринин маданий жана социалдык жалпылыгын сактоо, бекемдөө биздин ишмердүүлүктүн ийгилигинин башаты. Россиянын 2023-жылдагы төрагалыгында приоритеттерди ишке ашырууда ЕАЭБге мүчө өлкөлөрдүн колдоосун жана өз ара тыгыз кызматташууну күтөбүз. Биздин элдердин бакубаттуулугу үчүн интеграциялык кызматташууну өнүктүрүүдө биргеликте салмактуу жаңы жыйынтыктарды жаратабыз", — деп кайрылган Россия лидери.
Путин 2015-жылы Евразиялык экономикалык биримдик түптөлгөндөн тарта союз ишенимдүү өнүгүп, натыйжалуулугун жана керектигин көрсөтүп келе жатканын белгиледи. Анын айтымында, биримдикке мүчө мамлекеттердин өз ара соода алакаларынын абсолюттук көлөмү бул мезгил ичинде 60 пайызга көбөйгөн жана 2021-жылы тарыхый жогорку чекке жетип, 73,1 миллиард долларды түзгөн. Ал эми тышкы соода көлөмү 46 пайызга өсүп, 846,3 миллиард долларды чапчыган. Муну менен катар эле союздун ички соода жүгүртүүсүндө жогорку кошумча нарктагы сырьелук эмес товарлардын үлүшү жыл сайын көбөйүп жатат. ИДПнын өсүшү жан башына алганда 28,7 пайызды, ал эми улуттук валюталар төлөмүнүн үлүшү 75 пайызга жакындаган.
Эске салсак, Путин буга чейин 2023-жылы ЕАЭБди өнүктүрүү приоритеттерине токтолгон.
"Россиянын төрагалыгы алдында өтө турган саммитте илим, техника жана билимге байланыштуу маселелердин үстүндө иштөөгө басым жасалат. Кесиптештерибизден студенттердин академиялык жана тажрыйбалык алмашуусу тууралуу идеяларды күтөбүз. Интеграциялык күн тартибине ишкердүүлүк, ыктыярчылык, маданият жана спорт жаатында долбоорлорду колдоо менен жаштарды туризм, тарых, социалдык жана этникалык баалуулуктар аркылуу тартууну пайдалуу деп ойлойбуз", — деген ал Бишкекте болгон Жогорку евразиялык экономикалык биримдиктин жыйынында.
Путиндин кайрылуусун толугу менен Кремлдин сайтынан таанышууга болот.
Бишкектеги саммитте ЕАЭБ желектери - Sputnik Кыргызстан, 1920, 09.12.2022
Путин 2023-жылы ЕАЭБди өнүктүрүү приоритеттерин атады
Жаңылыктар түрмөгү
0