Радиостудия Sputnik Кыргызстан в Бишкеке - Sputnik Кыргызстан, 1920
Радио

Тодогелдиев: 88 бала бөлөк эле үй-бүлөлөрдөн табылган

© Sputnik / Асель СыдыковаЭмгек, социалдык колдоо жана миграция министрлигинин Үй-бүлөгө жана балдарга кызматтарды өнүктүрүү башкармалыгынын башчысы Бакыт Тодогелдиев
Эмгек, социалдык колдоо жана миграция министрлигинин Үй-бүлөгө жана балдарга кызматтарды өнүктүрүү башкармалыгынын башчысы Бакыт Тодогелдиев - Sputnik Кыргызстан, 1920, 19.01.2023
Жазылуу
НовостиTelegram
Эмгек, социалдык камсыздоо жана миграция министрлигинин Үй-бүлөгө жана балдарга кызматтарды өнүктүрүү башкармалыгынын башчысы Бакыт Тодогелдиев балдарга кам көрүү иштери тууралуу айтып берди.
Кыргызстанда 92 миң баланын ата-энеси миграцияда экени аныкталган. Анын ичинен 88 бала бөлөк эле үй-бүлөлөрдөн табылган. Бул тууралуу Бакыт Тодогелдиев Sputnik Кыргызстан радиосуна маек куруп жатып билдирди.
Тодогелдиев: 88 бала бөлөк эле үй-бүлөлөрдөн табылган
Анын айтымында, турмуштук оор кырдаалга кабылган балдарды аныктоо үчүн башкармалыктын өкүлдөрү 290 миң үйдү кыдырган.
"Конституция боюнча баланы 18ге толгуча багып, билим берүү үчүн шарт түзүүгө ата-эне милдеттүү. Ал эми мамлекет турмуштук оор кырдаалга кабылган балдар, жетимдер, кароосуз калган балдар менен гана иш алып барат. Мигранттардын балдары деп айтылганы менен мыйзамда андай түшүнүк жок. Алар "Балдар жөнүндө" кодекстин негизинде турмуштук оор кырдаалга кабылган балдар катары каралат. 2022-жылы башкармалыктын өкүлдөрү 290 миң үйдү кыдырып чыккан. Натыйжада 92 миң баланын ата-энеси миграцияда экени аныкталган. Анын ичинен 88 бала ата-энесине тууганчылыгы жок, бөлөк эле үй-бүлөдөн табылган. Мыйзам буга жол бербейт. Ушул жерден ата-эненин жоопкерчилиги каралышы шарт. Башка эле үй-бүлө бөтөн баланы эмнеге алып калды деген суроону териштире келгенде алдыңкы планга каражат чыгат. Анткени мигранттар иштеп, баланын тамак-ашы, кийим-кечеги, мектеби деп акча жөнөтөт. Мына ошол үчүн оозеки келишим түзүп, баланы алып калышат көп учурда. Бул балдарга жекече план түзүлүп, мыйзамдуу өкүл дайындоо боюнча иштер соцкызматкерлер тарабынан жүргүзүлөт. Ошондой эле мамлекеттик жана муниципалдык органдар тарабынан юридикалык, медициналык, психологиялык жана социалдык көмөк көрсөтүлөт", — деди Тодогелдиев.
Ошондой эле ал жылына турмуштук оор кырдаалга кабылган беш миңге чукул бала аныкталарын кошумчалады.
Жаңылыктар түрмөгү
0