Обучение мобилизованных на Запорожском направлении - Sputnik Кыргызстан, 1920, 28.02.2022
Россиянын Донбассты коргоо боюнча атайын операциясы
Россия ДЭР, ЛЭРдин эркиндигин тааныды. 24-февралда Путин Донбасста атайын операция башталганын жарыялады. РФ Коргоо министрлиги Украинанын Куралдуу күчтөрүнүн аскердик инфратүзүмү, аэродромдору, абадан коргонуу объектилери талкалангандыгын кабарлаган.

Элчи Антонов: Россия Крымга жасалган чабуулду жоопсуз калтырбайт

© Sputnik / Илья Питалев / Медиабанкка өтүүРоссиянын АКШдагы элчиси Анатолий Антонов. Архив
Россиянын АКШдагы элчиси Анатолий Антонов. Архив - Sputnik Кыргызстан, 1920, 19.01.2023
Жазылуу
НовостиTelegram
Дипломаттын айтымында, АКШ "Крым Украинанын жери" деп Киевди Россиянын аймагында теракт жасоого шыкактап жатат.
БИШКЕК, 19-янв. — Sputnik. Россия аскерлери америкалыктар жана алардын союздаштары Украинага жеткирген бардык куралды жок кылат жана өз аймагына, анын ичинде Крымга жасалган чабуулдарды жоопсуз калтырбайт. Бул тууралуу Россиянын АКШдагы элчиси Анатолий Антонов билдиргенин РИА Новости жазды.
Акыркы апталарда батыш өлкөлөрү Украинага заманбап сооттолгон техника, танк жана жөө аскердик согуштук машиналары жеткирилгенин жарыялаган. Ал эми Мамдепартамент Украинага берилген курал-жарактарды Крымга чабуул жасоо үчүн колдонууга болорун айтты.
"Америкалыктар же НАТО Зеленскийдин режимине кандай гана курал жеткирбесин, биз аны жок кылабыз. Улуу Ата мекендик согушта да ошондой болгон, азыр да болот", — деди Антонов.
Дипломат Украинаны курал менен (анын ичинде америкалык курал) камсыздоо курмандыктын санын көбөйтөрүн билдирген. Ал Россияны жеңүү мүмкүн эместиги тууралуу президент Владимир Путин менен ТИМ башчысы Сергей Лавровдун сөзүнө ишенүүгө чакырды.
Элчи ошондой эле Мамдепартаменттин өкүлү Нед Прайстын Крымга сокку уруу үчүн америкалык куралдын колдонулушу тууралуу айткан сөзүнө токтолду.
"Америкалык аткаминерлердин айткан сөздөрү барган сайын согуш мүнөзүнө өтүп жатканын белгилейбиз. Мамдепартамент "Крым — бул Украина" деген чындыктан алыс билдирүү жана Украинанын өз аймагын коргоо үчүн америкалык куралды колдоно алат деген ишеним менен Киевди Россиянын аймагында теракт жасоого түртүүдө", — деди Антонов.
Дипломат бул учурда чыр-чатактын күчөп кетүү коркунучу дагы жогору болорун эскерткен.
Ал эми Прайс шаршембиде өткөн маалымат жыйынында АКШ Украинаны Россияга каршы сокку урууга үндөбөй турганын жана ага жардам бербестигин айткан.
ЖМКлардын маалыматы боюнча, АКШ Украинага дагы бир ири аскердик жардам пакетин берери тууралуу жума күнү жарыялашы мүмкүн.
Россиянын Украинадагы атайын операциясы башталган соң АКШ жана анын НАТОдогу өнөктөштөрү Киевге он миллиард долларлык курал-жарак жөнөтүп, колдоо көрсөтүүдө. Москва өз кезегинде Батыштын курал жөнөтүп жаңжалды создуктуруп жатканын, аларды ташыган транспорттун бардык түрү Россия армиясы үчүн мыйзамдуу бутага айланарын бир нече жолу эскерткен.
АКШнын Украинага аскерий жардамы. Архив - Sputnik Кыргызстан, 1920, 19.01.2023
Россиянын Донбассты коргоо боюнча атайын операциясы
ЖМК: АКШ Украинанын Крымга сокку урушу үчүн курал берүүнү караштырып жатат
Жаңылыктар түрмөгү
0