https://sputnik.kg/20230118/iim-akademiyasynda-okugan-kyzdyn-olumu-ishtin-choo-zhayy-1072130454.html
ИИМ академиясында окуган кыздын өлүмү. Сот иштин чоо-жайын айтты
ИИМ академиясында окуган кыздын өлүмү. Сот иштин чоо-жайын айтты
Sputnik Кыргызстан
Кылмышка шектүү үй камагына чыгарылган. Ал милиция кызматкери экендиги белгилүү болду. 18.01.2023, Sputnik Кыргызстан
2023-01-18T15:41+0600
2023-01-18T15:41+0600
2023-01-18T15:42+0600
кырсык
иим
курсант
кыз
милиция
https://sputnik.kg/img/104298/67/1042986752_0:197:1683:1144_1920x0_80_0_0_27619f6942526fc55527dae8b307c4dd.jpg.webp
БИШКЕК, 18-янв. — Sputnik. ИИМ академиясында окуган кызды койдуруп кеткен айдоочуну үй камагына чыгаруу чечимин кабыл алган Свердлов райондук сотунун судьясы Айзада Исаева маалымат жыйында иштин чоо-жайын айтып берди.Буга чейин каза болгон кыздын туугандары менен бүлөнүн жакын адамдары президент Садыр Жапаровго ишти көзөмөлгө алуу өтүнүчү менен кат жолдошкон. Алар сот адилетсиз чечим чыгарганын айтып, кылмышка шектелип жаткан жаран мурунку милиция кызматкери экендигин белгилешкен.Исаева баш коргоо чарасын кароо учурунда шектүүдөн катуу ооруга чалдыккандыгы тууралуу маалымкат алынганын айтты. Мындан улам адамды камакта кармоого мүмкүн болбогон оор илдеттин тизмеси жөнүндөгү өкмөттүн токтомунун негизинде аны тергөө абагына киргизишкен эмес. Үй камагына алынган айдоочу зарыл болгон учурда ооруканаларга барып келбегенин кошпогондо күнү-түнү үйдө болору айтылды. Шектүүнүн күбөлөргө басым жасоосун алдын алуу үчүн смартфон жана башка байланыш каражаттарын пайдалануусуна тыюу салынган.Анын айтымында, шектүү мурда милиция кызматкери болгон, азыр пенсияда. 2013-жылы ден соолугуна байланыштуу укук коргоо органдарынан кеткен. Сотто анын наамы боюнча майор экени тууралуу маалымат жок.Исаеванын айтымында, кылмышка шектүү 2016-жылы бир бөйрөгүн алмаштырып, экинчисин алдырган. Бирок "бөйрөк оорусунун 5-стадиясы, өнөкөт бөйрөк жетишсиздиги термикалык стадиясында" деген диагноз калган. Буга байланыштуу ал 2016-жылдан бери гемодиализ алып келет.Маалымат жыйында каза болгон 24 жаштагы кыз Ички иштер министрлигинин академиясынын курсанты эместиги айтылды. Маркум ИИМ Академиясынын квалификациясын жогорулатуу борборунда атайын баштапкы кесиптик окуу курстарынын угуучусу эле.Каргаша 9-январда эртең менен Бишкек шаарындагы Жибек Жолу менен Республика көчөлөрүнүн кесилишинде болгон. Кыз каза таап, ал эми айдоочу качып кеткен. Кайгуул милициясы анын кармалгандыгын 13-январда билдирген. Шектүүнүн жактоочусу ал кишинин бөйрөгү ооруй тургандыгын жана 2016-жылдан бери гемодиализ аларын тастыктаган документтерди көрсөткөн. Соттон бул өкмөттүн атайын токтому менен оор илдеттердин тизмесине киргизилгендиктен, аны камоого жол бербей тургандыгын айтышкан.
https://sputnik.kg/20230117/jean-francois-monier-1072098939.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кырсык, иим, курсант, кыз, милиция
кырсык, иим, курсант, кыз, милиция
ИИМ академиясында окуган кыздын өлүмү. Сот иштин чоо-жайын айтты
15:41 18.01.2023 (Жаңыртылды: 15:42 18.01.2023) Кылмышка шектүү үй камагына чыгарылган. Ал милиция кызматкери экендиги белгилүү болду.
БИШКЕК, 18-янв. — Sputnik. ИИМ академиясында окуган кызды койдуруп кеткен айдоочуну үй камагына чыгаруу чечимин кабыл алган Свердлов райондук сотунун судьясы Айзада Исаева маалымат жыйында иштин
чоо-жайын айтып берди.
Буга чейин каза болгон кыздын туугандары менен бүлөнүн жакын адамдары президент Садыр Жапаровго ишти көзөмөлгө алуу өтүнүчү менен кат жолдошкон. Алар сот адилетсиз чечим чыгарганын айтып, кылмышка шектелип жаткан жаран мурунку милиция кызматкери экендигин белгилешкен.
Исаева баш коргоо чарасын кароо учурунда шектүүдөн катуу ооруга чалдыккандыгы тууралуу маалымкат алынганын айтты. Мындан улам адамды камакта кармоого мүмкүн болбогон оор илдеттин тизмеси жөнүндөгү өкмөттүн токтомунун негизинде аны тергөө абагына киргизишкен эмес. Үй камагына алынган айдоочу зарыл болгон учурда ооруканаларга барып келбегенин кошпогондо күнү-түнү үйдө болору айтылды. Шектүүнүн күбөлөргө басым жасоосун алдын алуу үчүн смартфон жана башка байланыш каражаттарын пайдалануусуна тыюу салынган.
"Бөгөт коюу чарасы кылмыш жоопкерчилигинен бошотуу болуп саналбайт. Тергөө учурунда аны колдонуу маселеси гана чечилет. Адамды камакка алуу үчүн тергөө адам качып кетерин же документтерди жок кыларын далилдеши керек. Сот ошондой эле шектүүнүн ден соолугун да эске алат", — деп түшүндүрдү судья.
Анын айтымында, шектүү мурда милиция кызматкери болгон, азыр пенсияда. 2013-жылы ден соолугуна байланыштуу укук коргоо органдарынан кеткен. Сотто анын наамы боюнча майор экени тууралуу маалымат жок.
Исаеванын айтымында, кылмышка шектүү 2016-жылы бир бөйрөгүн алмаштырып, экинчисин алдырган. Бирок "бөйрөк оорусунун 5-стадиясы, өнөкөт бөйрөк жетишсиздиги термикалык стадиясында" деген диагноз калган. Буга байланыштуу ал 2016-жылдан бери гемодиализ алып келет.
Маалымат жыйында каза болгон 24 жаштагы кыз Ички иштер министрлигинин академиясынын курсанты эместиги айтылды. Маркум ИИМ Академиясынын квалификациясын жогорулатуу борборунда атайын баштапкы кесиптик окуу курстарынын угуучусу эле.
Каргаша 9-январда эртең менен Бишкек шаарындагы Жибек Жолу менен Республика көчөлөрүнүн кесилишинде
болгон. Кыз каза таап, ал эми айдоочу качып кеткен. Кайгуул милициясы анын кармалгандыгын 13-январда билдирген. Шектүүнүн жактоочусу ал кишинин бөйрөгү ооруй тургандыгын жана 2016-жылдан бери гемодиализ аларын тастыктаган документтерди көрсөткөн. Соттон бул өкмөттүн атайын токтому менен оор илдеттердин тизмесине киргизилгендиктен, аны камоого жол бербей тургандыгын айтышкан.
