Радиостудия Sputnik Кыргызстан в Бишкеке - Sputnik Кыргызстан, 1920
Радио

Иманбаева: быйыл өлкө аймагында 7 млн. көчөт отургузулат

© Sputnik / Асель СыдыковаЖаратылыш ресурстары, экология жана техникалык көзөмөл министрлигинин биоресурстар башкармалыгынын башкы адиси Бермет Иманбаева
Жаратылыш ресурстары, экология жана техникалык көзөмөл министрлигинин биоресурстар башкармалыгынын башкы адиси Бермет Иманбаева - Sputnik Кыргызстан, 1920, 13.01.2023
Жазылуу
НовостиTelegram
Жаратылыш ресурстары, экология жана техникалык көзөмөл министрлигинин биоресурстар башкармалыгынын башкы адиси Бермет Иманбаева "Жашыл мурас" улуттук өнөктүгүнүн алдыдагы пландары тууралуу айтып берди.
Былтыр президент Садыр Жапаров 12-мартта Кыргызстандагы Тоолордун экосистемасын коргоо жана климаттык туруктуулук жылынын алкагында "Жашыл мурас" улуттук өнөктүгү башталганын жарыялаган. Анын жыйынтыгында 2022-жылы Кыргызстанда 8,1 миллион көчөт отургузулду. Бул тууралуу Бермет Иманбаева Sputnik Кыргызстан радиосунун эфиринде маек куруп жатып билдирди.
Иманбаева: быйыл өлкө аймагында 7 млн. көчөт отургузулат
Айтымында, мамлекеттик долбоордун алкагында отургузулуп жаткан дарактардын электрондук жол картасы түзүлдү.
"Жашыл мурас" улуттук өнөктүгү алгач "Ала-Арча" мамлекеттик жаратылыш багынын аймагында ийне жалбырактуу көчөттөрдү отургузуу менен башталган. Бул иш-чарага эл аралык уюмдардын, дипломатиялык корпустун өкүлдөрү, мамлекеттик органдардын жетекчилери, президенттик администрациянын жана иш башкармалыгынын, ошондой эле ар бир министрлик, Бишкек мэриясынын кызматкерлери салым кошту. Алсак, Билим берүү жана илим министрлиги "Бир окуучу — бир көчөт", ал эми Айыл чарба министрлиги "Шаардык сейил бактар" муниципалдык ишканасы менен биргеликте "Макулатура тапшыр — көчөт ал", "Бир жарандан — бир көчөт" аттуу экологиялык акцияларын өткөрүштү. Ошентип өткөн жылы алты миллион көчөт тигүү пландалган болсо, жыйынтыгында 8,1 миллион бак-дарак отургузулду. Күзгү эсептин жыйынтыгы менен алардын 70 пайызы тамыр алып көгөргөн. Учурда мамлекеттик жана муниципалдык бийлик органдары көчөт отургузууну уюштуруу иштери менен алектенип жатат. Быйыл "Жашыл мурас" улуттук өнөктүгүнүн алкагында өлкө аймагына жети миллион көчөт отургузулганы турат. Буга чейин мамлекеттик долбоордун алкагында отургузулуп жаткан дарактардын электрондук жол картасы түзүлдү. Анда бак отургузуудан тышкары, ар бир шаар, райондордо парктарды уюштуруу каралган. Өткөн жылы "Балалык", кыргыз-азербайжан достук сейил багы ачылды", — деди Иманбаева.
Ал "Жашыл мурас" долбоорунун алкагында багбанчылык дагы өнүктүрүлүп жатканын кошумчалады.
Жаңылыктар түрмөгү
0