Ажылык сапар үчүн Кыргызстанга бөлүнгөн квота эки эсеге көбөйдү

© Sputnik / Михаил Воскресенский / Медиабанкка өтүүМеккедеги зыяратчылар. Архив
Меккедеги зыяратчылар. Архив - Sputnik Кыргызстан, 1920, 09.01.2023
Жазылуу
НовостиTelegram
2019-жылдан бери ажылыктын электрондук базасында кезек күткөн кыргызстандыктардын саны 4313кө чукул болуп калды.
БИШКЕК, 9-янв. — Sputnik. 2023-жылдагы ажылыкка Кыргызстандан бара турган зыяратчыларга алты миң орун бөлүндү. Бул тууралуу муфтияттан билдиришти.
Маалыматка ылайык, башкы муфтий Замир Ракиев Мекке шаарында Сауд Арабиянын ажылык министринин орун басары Абделам Фаттах бин Сулейман менен жолуккан. Фаттах бин Сулейман Кыргызстан былтыр ажылык сапарды жакшы уюштурганын белгилеп, быйыл да өткөн жылдагыдай болот деген үмүтүн билдирген.
Муфтият тараптар 2023-жылга ажылык иш-чараларды уюштуруу боюнча келишимге кол койгонун кабарлады. Ажылык министринин орун басары Кыргызстанга алты миң орундук квота бөлүнгөнүн айткан.
Бирок министр коронавирус өңдүү жугуштуу оорулар чыкканда квота азайтылышы мүмкүн экенин эскерткен.
2019-жылдан бери ажылыктын электрондук базасында 4313 кыргызстандык кезек күтүүдө.
Ажылык сапар үчүн Кыргызстанга бөлүнгөн орундар акыркы жылдарда төмөндөгүдөй болгон:
2018 — 5 400 орун;
2019 — 5 485;
2020 — 6 110 (орун бөлүнгөн, бирок коронавируска байланыштуу зыярат болбой калган);
2021 — ажылык сапар пандемияга байланыштуу болгон эмес;
2022 — 2 766.
Меккедеги зыяратчылар. Архив - Sputnik Кыргызстан, 1920, 20.04.2022
Сауд Аравиянын ажылык үчүн Кыргызстанга канча орун бергени белгилүү болду
Жаңылыктар түрмөгү
0