Түштүк региондогу 3 500 улан-кыз рынок талап кылган кесиптерди үйрөндү

© Фото / Pixabay/ Free-PhotosОфис кызматкерлери. Архив
Офис кызматкерлери. Архив - Sputnik Кыргызстан, 1920, 26.12.2022
Жазылуу
НовостиTelegram
Окуудан өткөн жаштардын 35и өз бизнесин ачуу үчүн 92 миң долларлык грант алган.
БИШКЕК, 26-дек. — Sputnik. Кыргызстанда "Аракетчил" долбоорунун алкагында 18 жаштан 23 жашка чейинки 3 500дөн ашуун жаран суроо-талап жогору болгон кесиптерди үйрөнүп, эмгек рыногуна чыгууга даярдалды. Бул туурасында Эмгек, социалдык камсыздоо жана миграция министрлиги билдирди.
Министрдин орун басары Жылдыз Полотова Баткен, Ош жана Жалал-Абад облусундагы жумушсуз жаштар окутулганын белгилеген. Анын ичинен ишкердикке үйрөнгөн 35 адам өз бизнесин ачуу үчүн 92 миң долларлык грант алган.
"Долбоордун 300 катышуучусу стажировкадан өтүп, арасынан 84ү жумушка орношту. Жаштарды стажировкадан өткөрүү программасына 109 иш берүүчү катышкан. Вакансиялар жарманкесин уюштуруу жумуш берүүчү жана издөөчүлөр үчүн мүмкүнчүлүктөрдүн аянтчасы болуп калды", — деди Полотова.
"Аракетчил" долбоору Япония өкмөтүнүн Дүйнөлүк банк менен өнөктөштүктөгү каржылык колдоосунда түзүлгөн. Максаты 18ден 28 жашка чейинки жаштарды рынок талап кылган кесиптерге үйрөтүү болуп саналат.
Москвада көчөдө бараткан адамдын документтерин текшерип жаткан полиция кызматкерлери. Архив - Sputnik Кыргызстан, 1920, 17.12.2022
Москвадагы кыргызстандыктар укугун коргоо үчүн каякка кайрылса болот? Номерлер
Жаңылыктар түрмөгү
0