Радиостудия Sputnik Кыргызстан в Бишкеке - Sputnik Кыргызстан, 1920
Радио

Туманов: инвестиция тартууда элден уруксат алуу мыйзамда каралган эмес

© Sputnik / Асель АкматГеология жана жер казынасы департаментинин директору, министрдин орун басары Алмаз Туманов. Архив
Геология жана жер казынасы департаментинин директору, министрдин орун басары Алмаз Туманов. Архив - Sputnik Кыргызстан, 1920, 25.12.2022
Жазылуу
Геология жана жер казынасы департаментинин директору, министрдин орун басары Алмаз Туманов кен байлыктар элдин эмес мамлекеттин менчиги экенин айтты.
Демократияны биз башаламандык деп кабыл алып жатабыз. Конституцияда жер, суу, жер астындагы кен байлыктар, аба жолдору мамлекеттики деп так көрсөтүлгөн. Демек, бул Кыргыз Республикасынын ресурсу жана аны колдонуу саясатын мамлекет жүргүзөт. Бул тууралуу Алмаз Туманов Sputnik Кыргызстан радиосуна маек куруп жатып билдирди.
Туманов: инвестиция тартууда элден уруксат алуу мыйзамда каралган эмес
Анын айтымында, мамлекет инвестор тартууда кен байлыктарды иштетүү үчүн элден уруксат сурабай түшүндүрүү иштерин жүргүзүү менен гана чектелсе жетиштүү.
"Конституцияда кен байлыктар мамлекеттин ресурсу жана аны колдонуу саясатын мамлекет жүргүзөт деп жазылып турат. Бирок биздин коом өкмөт элден уруксат алышы абзел деп ойлойт. Жок, мамлекет жергиликтүү калкка түшүндүрүү иштерин гана жүргүзгөнү жетиштүү. Мыйзамда көрсөтүлгөн соң ал кен байлыктар — өлкө президентинин, министрлер кабинетинин жетекчисинин көзөмөлүндө турган аманат. Бийликтин жогорку бутагынын чечимин ылдыйкы бутагы аткарууга милдеттендирилип, элге коомдук угуу өткөрүү гана жетиштүү. Өкмөт инвестор таап, кайсы бир жердин кенин иштетүү боюнча макулдашууга ошол жерде жашаган калк каршы туруп алса бул мамлекеттин жүргүзүп жаткан саясатын колдобогондук болуп эсептелет", — деди Туманов.
Ал кен байлыктарды заманбап технологиялар менен иштетүүдө жергиликтүү калк иш менен камсыз болуп, өлкө экономикасына пайда гана келерин кошумчалады.
Жаңылыктар түрмөгү
0