Ар бир аял билиши керек. Эркектин потенциясы тууралуу 6 миф

© Фото / Pexels/ cottonbroКучакташып турган түгөй. Архив
Кучакташып турган түгөй. Архив - Sputnik Кыргызстан, 1920, 23.12.2022
Жазылуу
Андролог простатит илдети, майлуу тамак жана жаш курак сыяктуу нерселер эркектин бел күчүнө кандай таасир этерин айтып берди.
БИШКЕК, 23-дек. — Sputnik. Уролог Марк Гадзиян "Доктор Питер" басылмасына берген маегинде эркектин потенциясы тууралуу эл арасында айтылган айрым маалыматтарды төгүндөдү.
Алар:
Простатит потенцияны талкалайт. Простатит простата безинин сезгенүү оорусу. Ал эми эрекция кандын тамырларда канчалык жакшы жүгүрөрүнөн көз каранды. Экөөнүн бири-бирине тиешеси жок.
Алкоголь эрекцияны басаңдатат. Ичкилик потенцияга таасир этиши үчүн адам аракеч болуп кетиши керек.
Афродизиактар. Айрымдар сельдерей, ашкабак данеги, каймак, сабиз сыяктуу азыктар эркектин бел кубатын болуп көрбөгөндөй бекемдейт деп ойлойт. Бул чоң жаңылыштык.
Кумарга көп баткан эркек күүлүү-күчтүү болот. Төшөк кумарынын көбүрөөк болгону жакшы, бирок оголе көп болуп кетсе, организм зыян тартып калышы мүмкүн. Анткени кишиге жакшылап эс алууга убакыт керек.
Эркектин "төшөктөгү" жашын чектөө же 50дөн кийин эркек "соолуй" баштайт деген ой туура эмес. Ден соолугуна кам көрүп, сергек жашаган адам андан ары дагы ойдогудай жашай алат.
Майлуу тамак эркекти алсыратат. Майлуу тамак потенцияга гана эмес, жалпы организмге терс таасир этет. Бирок ал өтө көп болуп кеткен учурда гана. Андан качып жеңил-желпи гана тамактанып жүрө берүү дагы эркектин организмине пайдасыз болуп калышы мүмкүн.
Эркек аял менен урушуп жатат. Иллюстративдик сүрөт - Sputnik Кыргызстан, 1920, 20.10.2022
Жубайлардын акыры ажырашарынан кабар берген 6 белги тизмектелди
Жаңылыктар түрмөгү
0