Төрага Шакиев Россиянын элчиси Николай Удовиченкону кабыл алды
© Фото / пресс-служба Жогорку Кенеша
Жазылуу
Спикер келерки жылы Россияга расмий сапар менен барууну пландап жатканын билдирди.
БИШКЕК, 20-дек. — Sputnik. Жогорку Кеңештин төрагасы Нурланбек Шакиев Россиянын Кыргызстандагы элчиси Николай Удовиченкону кабыл алды. Бул тууралуу парламенттин маалымат кызматы кабарлады.
1/3
© Фото / пресс-служба Жогорку Кенеша
Жогорку Кеңештин төрагасы Нурланбек Шакиев Россиянын Кыргызстандагы элчиси Николай Удовиченкону кабыл алды
2/3
© Фото / пресс-служба Жогорку Кенеша
Төрага Кыргызстан Россия менен калыптанган стратегиялык өнөктөштүктү ар тараптуу өнүктүрүүгө кызыкдар экенин белгилеген
3/3
© Фото / пресс-служба Жогорку Кенеша
Өз кезегинде Удовиченко эки тараптуу жана эл аралык аянтчалардагы алакалардын учурдагы абалы тууралуу маалымат берди.
1/3
© Фото / пресс-служба Жогорку Кенеша
Жогорку Кеңештин төрагасы Нурланбек Шакиев Россиянын Кыргызстандагы элчиси Николай Удовиченкону кабыл алды
2/3
© Фото / пресс-служба Жогорку Кенеша
Төрага Кыргызстан Россия менен калыптанган стратегиялык өнөктөштүктү ар тараптуу өнүктүрүүгө кызыкдар экенин белгилеген
3/3
© Фото / пресс-служба Жогорку Кенеша
Өз кезегинде Удовиченко эки тараптуу жана эл аралык аянтчалардагы алакалардын учурдагы абалы тууралуу маалымат берди.
Төрага Кыргызстан Россия менен калыптанган стратегиялык өнөктөштүктү ар тараптуу өнүктүрүүгө кызыкдар экенин белгилеген.
"Мамлекеттер аралык байланышыбыз өз ара ишенимге жана тарыхый алакага негизделгени менен өзгөчөлөнүп келет. Андыктан бардык багыттагы кызматташтыкты арттырып, ЕАЭБ, ШКУ, КМШ өңдүү эл аралык уюмдардын алкагындагы өнөктөштүктү да жигердүү өнүктүрүүбүз кажет", — деди Шакиев.
Ал ошондой эле экономикалык мамилелердин азыркы абалына токтолду. Төраганын айтымында, үстүбүздөгү жылдын тогуз айында эки өлкөнүн ортосундагы соода жүгүртүүнүн көлөмү 2,2 миллиард долларга жетип, 2021-жылдын ушул мезгилине салыштырмалуу 36,8 пайызга көп болгон.
"Бул, албетте, чек эмес. Биз негизги соода өнөктөшүбүз катары Россия менен экономикалык байланышты мындан ары да чыңдоону көздөйбүз", — деп кошумчалады Шакиев.
Ал кийинки жылы Россия Федерациясына расмий иш сапары менен баруу планы бар экенин билдирди.
Өз кезегинде Удовиченко эки тараптуу жана эл аралык аянтчалардагы алакалардын учурдагы абалы тууралуу маалымат берди. Айрыкча, экономика, медицина, маданият, өзгөчө кырдаалдардан коргоо жана коопсуздук жаатында кызматташтыкка өзгөчө маани берилип жатканын белгиледи.
Мындан тышкары, билим берүү тармагы боюнча ири долбоорлор иштелип чыгып, Кыргызстанда мектептерди куруу пландалып жатканын сөз кылды. Ошондой эле быйыл туризм чөйрөсүндө да жыйынтыктар жакшы экенин айткан элчи мында түз аба каттамдарынын көптүгү жакшы таасир бергенин кошумчалады.
15 Бештин айы 2022, 20:55
