https://sputnik.kg/20221217/sadyr-zhaparov-kamalgan-ayaldar-eneler-kayryluusu-1071221385.html
Жапаров камалган аялдардын энелерине: мага кайрылбай башында кызын тыйса болмок
Жапаров камалган аялдардын энелерине: мага кайрылбай башында кызын тыйса болмок
Sputnik Кыргызстан
Жапаров "төңкөрүш жасайбыз" деп план түзүп жатса, укук коргоо органдары башынан сылабай турганын эскертти. 17.12.2022, Sputnik Кыргызстан
2022-12-17T13:55+0600
2022-12-17T13:55+0600
2022-12-17T13:57+0600
кыргызстан
садыр жапаров
маек
https://sputnik.kg/img/07e6/04/19/1063921640_0:256:2136:1457_1920x0_80_0_0_5a4146b668aa487f011c013d3d951064.jpg
БИШКЕК, 17-дек. — Sputnik. Камакта отурган жарандар төңкөрүш кылууга эч нерсе таба албай, Кемпир-Абад маселесин шылтоо кылабыз дешкен. Бул тууралуу президент Садыр Жапаров "Кабар" улуттук агенттигине берген маегинде билдирди.Анын айтымында, камакта жаткандардын дээрлик 90 пайызы жабык эшик артында өткөн чогулуштарга эки-үч ирет катышкан. Демек, Кемпир-Абад боюнча маселе Кыргызстандын пайдасына чечилип жатканын жакшы билген.Ошондой эле президент учурда ага кайрылып жаткан энелер башында эле кыздарын тыйып отурса болмок деген.Аны менен катар Жапаров алар "төңкөрүш жасайбыз" деп план түзүп жатса, укук коргоо органдары "башынан сылабайт" деген пикирин айтты."Эми алардын тагдырын мен чечпейм, сот чечет. Ак болсо актайт. Күнөөлүү болсо соттойт. Мен эч кимисине "чыгарып кой" деп буйрук бере албайм. Мыйзам иштейт. Мындан ары мыйзам менен жашаганды үйрөнүшүбүз керек. Качанкыга чейин кичине бир нерсе болсо эле президент күнөөлүү деп жатып калабыз", — деди президент.Белгилей кетсек, 23-октябрда Кемпир-Абад суу сактагычы боюнча Өзбекстан менен түзүлгөн келишимге каршы чыгып жаткан 26 саясатчы жана жарандык активист бийликти күч менен басып алууга аракет кылды деп кармалган. Алар эки айга тергөө абагына киргизилген, жакында эле абактагы мөөнөттөрү дагы эки айга узартылды.
https://sputnik.kg/20221130/meder-aliev-komitet-t-ragalygynan-ketti-1070511867.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, садыр жапаров, маек
кыргызстан, садыр жапаров, маек
Жапаров камалган аялдардын энелерине: мага кайрылбай башында кызын тыйса болмок
13:55 17.12.2022 (Жаңыртылды: 13:57 17.12.2022) Жапаров "төңкөрүш жасайбыз" деп план түзүп жатса, укук коргоо органдары башынан сылабай турганын эскертти.
БИШКЕК, 17-дек. — Sputnik. Камакта отурган жарандар төңкөрүш кылууга эч нерсе таба албай, Кемпир-Абад маселесин шылтоо кылабыз дешкен. Бул тууралуу президент Садыр Жапаров "
Кабар" улуттук агенттигине берген маегинде билдирди.
Анын айтымында, камакта жаткандардын дээрлик 90 пайызы жабык эшик артында өткөн чогулуштарга эки-үч ирет катышкан. Демек, Кемпир-Абад боюнча маселе Кыргызстандын пайдасына чечилип жатканын жакшы билген.
"Биздин бир кемчилигибиз башында эле ачык карабаганыбыз болуптур. Анткени биздин пайдабызга чечилип жаткан иштерибиз бузулуп кетпесин деген элек. Муну түшүнүп турса да пайдаланып кетели дешти. "Мына көрдүңөрбү, жабык эшик артында карап жатышат, демек, биздин пайдабызга чечилген жок" деп элди козутуп жатышты. Мындай козуткучтар түз эле түрмөгө түштү", — деди Жапаров.
Ошондой эле президент учурда ага кайрылып жаткан энелер башында эле кыздарын тыйып отурса болмок деген.
"Эки жылдан бери ооздоруна "ак ит кирип, кара ит чыгып" жатат. Мен үндөбөдүм, көңүл да бурбадым, теңелбейин дедим. Менин бир жолу каяша айтканымды уктуңарбы же? Жок. Мындан ары да көңүл бурбайм. Азыр мага кайрылып жаткан энелер эки жылдан бери эң жок дегенде бир жолу "ай кыздар, тартиптүү болгула, калп сөз сүйлөбөгүлө, жалаа жаппагыла, төңкөрүштөн айланасыңбы!" деп тыйып коюшпайбы. Кеч боло электе ошол аялдарга, кыздарга акыл үйрөтүшпөйт беле", — деди мамлекет башчы.
Аны менен катар Жапаров алар "төңкөрүш жасайбыз" деп план түзүп жатса, укук коргоо органдары "башынан сылабайт" деген пикирин айтты.
"Эми алардын тагдырын мен чечпейм, сот чечет. Ак болсо актайт. Күнөөлүү болсо соттойт. Мен эч кимисине "чыгарып кой" деп буйрук бере албайм. Мыйзам иштейт. Мындан ары мыйзам менен жашаганды үйрөнүшүбүз керек. Качанкыга чейин кичине бир нерсе болсо эле президент күнөөлүү деп жатып калабыз", — деди президент.
Белгилей кетсек, 23-октябрда Кемпир-Абад суу сактагычы боюнча Өзбекстан менен түзүлгөн келишимге каршы чыгып жаткан 26 саясатчы жана жарандык активист бийликти күч менен басып алууга аракет кылды деп кармалган. Алар эки айга тергөө абагына киргизилген, жакында эле абактагы мөөнөттөрү дагы эки айга узартылды.
30 Жетинин айы 2022, 11:12
