Шыйпаңдагандын айынан болууда. Маткеримов депутаттарды бир болууга чакырды

© Sputnik / Табылды КадырбековЖК депутаты Айбек Маткеримов. Архив
ЖК депутаты Айбек Маткеримов. Архив - Sputnik Кыргызстан, 1920, 01.12.2022
Жазылуу
Кийинки жумада башкы прокурорду парламентке чакыруу сунушталды.
БИШКЕК, 1-дек. — Sputnik. Бир нече депутат кесиптештеринин Башкы прокуратурага суракка чакырылышын мыйзамсыз деп атап, сын-пикирлерин айтышты.
Эл өкүлү Айбек Маткеримов шайлоочулары кайрылып "сиздер элдин үнүн жеткирип жатып ушундай терс көрүнүштөргө кабылсаңар биз кантебиз?" деген суроону коюп жатышканын белгиледи. Бул боюнча төрага дагы өзүнүн оюн айтышын талап кылышканын билдирди.
"Элдин арызын дагы уруксат сурап анан айталыбы? Алмасбек Ахунжанович (президенттин парламенттеги өкүлү — ред.), бул жерде болуп жаткан терс көрүнүштөрдү туура жеткиришиңиздер керек. Ушунун бардыгы туура эмес маалыматтын, ар кимибиз ар жерде шыйпаңдагандын айынан болуп жатат. Биз мамлекеттин, бүгүнкү жетекчилердин саясатын колдоп бараткандан кийин баарыбыз бирдей колдойлу. Кесиптештеримден дагы суранып кетем, мамлекет үчүн бирге күйөлү. Бирибиздин маселебиз чечилбей, кадрыбыз бир жерге отурбай калса калп эле сүйлөй бербей, келгиле, баарыбыз мамлекет, эл үчүн чогуу иштейли. Мен сиздерден ошону суранып кетем", — деди Маткеримов.
Ал эми Айбек Осмонов баарын ынтымакта жана мыйзам менен иштегенге чакырды.
"Ар бир депутаттын пикирине маани бере берсе, анда иштейбизби же иштебейбизби? Иштешибиз керек да. Бизге түшкөн арыздарды айтканга толук укуктуубуз. Анда эмнеге келдик бул жерге? Депутаттын өзүнүн укуктары бар", — деди Осмонов.
Дастан Бекешев кийинки жумада башкы прокурорду парламентке чакырууну сунуштады.
Жогорку Кеңештин депутаты Шайлообек Атазов. Архив - Sputnik Кыргызстан, 1920, 01.12.2022
Атазов менен Токторбаев сурактын чоо-жайын айтып президентке даттанышты
Жаңылыктар түрмөгү
0