Салиев: Бажы кызматына коюлган пландын аткарылбай калышынын себеби бар
11:12 28.11.2022 (Жаңыртылды: 11:13 28.11.2022)
© Sputnik / Асель Акмат
Жазылуу
Мамлекеттик бажы кызматынын төрагасынын орун басары Алмаз Салиев аталган кызмат эмне себептен тапшырманы аткара албай жатканын айтып берди.
Бажы кызматына коюлган пландын аткарылбай калышына бир нече себеп бар. Бул тууралуу Алмаз Салиев Sputnik Кыргызстан радиосуна маек куруп жатып билдирди.
Салиев: Бажы кызматына коюлган пландын аткарылбай калышынын себеби бар
Анын айтымында, өткөн жылы Бажы кызматына жалпы 98,5 миллиард сом түшүрүү планы коюлган.
"10 айга Бажы кызматына 70 миллиард 970 миллион сом (мунун ичинен пошлина 15 миллиард 130 миллион сом) план коюлган. Бул 2021-жылга салыштырмалуу 192,7 пайызды түзөт. 10 айдын жыйынтыгы менен 59 миллиард 54 миллион сом (12 миллиард 683,7 миллион сом пошлина үчүн) бюджетке түшүрүлдү. Пландын толбой жатканынын себептерине токтолсок, Россия менен Украинанын ортосундагы абалдан улам бюджетте жоготуулар болду. Алсак, март-июнь аралыгында ЕАЭБден түшчү пошлина келбей жатты. Июнда пошлина рубль менен бөлүнүп келгендиктен үч миллиард сомго чукул каражат жоготтук. Мындан тышкары, атайын операция башталгандан тартып 1200гө чукул товардын пошлинасы нөлгө түшүрүлүп, бошотуулар болгондуктан 6,8 миллиард сомго жакын акча жоготтук. Ошондой эле доллардын курсуна байланыштуу 6,2 миллиард сом жоготуу болду. Буга утурлай эле пландын 70 пайыздайы Кытайдан келген товарлардан түзүлөт. Ал жакта пандемиялык чектөөлөр болуп жаткандыктан товардын чыгуусу салыштырмалуу аз болуп турду", — деди Салиев.
Ошондой эле ал Бажы кызматына коюлган план айрым жагдайларды эске алуу менен кайрадан туураланып жатканын кошумчалады.
