Акылбек Жапаров: 2023-жылы пенсияны жашоо минимумуна жеткире албайбыз

© Фото / пресс-служба Жогорку КенешаӨкмөт башчы Акылбек Жапаров. Архивдик сүрөт
Өкмөт башчы Акылбек Жапаров. Архивдик сүрөт - Sputnik Кыргызстан, 1920, 24.11.2022
Жазылуу
Өкмөт башчы сөз болуп жаткан норма жазылып жаткан кезде эле аткарууга мүмкүн эмес деп айтканын белгиледи.
БИШКЕК, 24-ноя. — Sputnik. Жогорку Кеңештин депутаты Дастан Бекешев Конституцияда "2023-жылдын 1-январынан тарта пенсия, пособие жашоо минимумунан аз болбойт" деп жазылганын эске салып, ал норманын аткарылышына кызыкты.
Статистика боюнча улуттук комитеттин төрагасынын орун басары Зайнидин Жумалиев учурда пенсионерлердин жашоо минимуму 5600 сом экенин айтты. Ал эми Соцфонддун жетекчиси Бактияр Алиев эң аз пенсия 2500 сомду түзөрүн белгиледи.
"2021-жылы 11-апрелде миллиондон ашык жаран ошол Конституцияны колдогон. Алар пенсия жашоо минимумунан төмөн болбойт деп ишенишкен. Акылбек Үсөнбекович, 1-январда пенсия канча болот, бул норма иштейби?" — деп сурады Бекешев.
Өкмөт башчы Акылбек Жапаров Конституцияга бул норма жазылып жаткан кезде эле аткарууга мүмкүн эместигин айтканын белгиледи.
"Анткени пенсионерлердин 450 миңден ашыгы айыл чарба секторундагылар. Алар жер салыгы менен гана Социалдык фондго айына 8-10 сомдон төлөп жүрүшкөн. Бул норма иштебейт дегенге болбой, Конституция кабыл алгандан кийин ошонун үстүнөн иштеп жатабыз. 1-январдан баштап ишке ашырууга киришебиз", — деди Жапаров.
Ошондой эле ал милдеттемелер боюнча бир гана пенсияда көйгөй жаралып жатканын, калган тармактар жөнгө салынганын кошумчалады.
Паркта улгайган адам. Архив - Sputnik Кыргызстан, 1920, 14.11.2022
Соцфонд пенсияга чыгуу курагын узартууну кайра сунуштады. Кимге тиешелүү болот?
Жаңылыктар түрмөгү
0