Спецоперация России по защите Донбасса - Sputnik Кыргызстан, 1920, 28.02.2022
Россиянын Донбассты коргоо боюнча атайын операциясы
Россия ДЭР, ЛЭРдин эркиндигин тааныды. 24-февралда Путин Донбасста атайын операция башталганын жарыялады. РФ Коргоо министрлиги Украинанын Куралдуу күчтөрүнүн аскердик инфратүзүмү, аэродромдору, абадан коргонуу объектилери талкалангандыгын кабарлаган.

РФ ТИМи: БУУ туткунда өлтүрүлгөн аскерлердин окуясына баа берүүдөн качууда

© AFP / ED JONESБУУ имараты. Архивдик сүрөт
БУУ имараты. Архивдик сүрөт - Sputnik Кыргызстан, 1920, 23.11.2022
Жазылуу
Буга чейин Россиянын Коргоо министрлиги Украинанын куралдуу күчтөрү туткунга түшкөн он орус аскерин атайлап өлтүрүшкөнүн маалымдаган.
БИШКЕК, 23-ноя. — Sputnik. Бириккен Улуттар Уюму Донбасста Россия аскерлеринин атып өлтүрүлүшү боюнча так эч нерсе айтпай, окуяга баа берүүдөн качууда. Бул тууралуу РФ ТИМинин расмий өкүлү Мария Захарова билдирди.
"БУУнун өкүлү Донбасста туткунда өлтүрүлгөн Россия аскерлеринин видеосу боюнча "биз жаңжалдашып жаткан тараптарды бардык билдирүүлөрдү, адам укуктарынын бузулушун тыкыр иликтеп чыгууга жана күнөөлүүлөрдү жазалоого чакырдык" деп жооп берди. Менин оюмча, БУУ катчылыгынын өкүлдөрү так, объективдүү баа бергенди билиши керек", — деген Захарова.
ТИМ өкүлү Буча окуясына БУУ тагыраак баа бергенин эске салды.
"Азыркы кырдаалда уюм так фактыларды келтирбей жалпы сөздүн артына жашынып жатат. Мындай болбошу керек", — деген ал.
Буга чейин Россиянын Коргоо министрлиги Украинанын куралдуу күчтөрү туткунга түшкөн он орус аскерин атайлап өлтүрүшкөнүн маалымдаган. Ал билдирүүдө бул Украина кылып жаткан биринчи аскердик кылмыш эмес экендиги, Киевдин аскерлери мындай жорукту дайыма жасап келгендиги белгиленген.
Украинанын куралдуу күчтөрү туткунга түшкөн россиялык аскерлерди аткылап жаткан видео жакында интернет тармагына тараган. Президенттин алдындагы Жарандык коом жана адам укугу боюнча өнүгүү советинин төрагасы Валерий Фадеевдин маалыматы боюнча, окуя Макеевка шаарында болгон.
Бул окуяны ал оор кылмыш деп атап, эл аралык иликтөө жүргүзүүнү талап кыларын айткан. Фадеев видеону БУУнун адам укуктары боюнча Жогорку комиссарына, ЕККУга, Европа Кеңешине, Amnesty International жана Кызыл Чырым эл аралык комитетине, дагы башка уюмдарга жөнөтө тургандыгын маалымдаган.
Кийинчерээк БУУ Россиянын туткундагы аскерлеринин өлтүрүлүшү боюнча бардык билдирүүлөрүн иликтеп чыгууга чакырган.
Херсондогу украиналык аскерлери - Sputnik Кыргызстан, 1920, 19.11.2022
Россиянын Донбассты коргоо боюнча атайын операциясы
Россия эл аралык уюмдардан туткундарды өлтүргөндөрдү айыпка тартууну талап кылды
Жаңылыктар түрмөгү
0