Статком: беш жыл ичинде өлкөдөгү ЖМКлардын саны 12%га өстү

© Sputnik / Табылды КадырбековКыргызстандын желегинин фонунда жайгашкан камера. Архивдик сүрөт
Кыргызстандын желегинин фонунда жайгашкан камера. Архивдик сүрөт - Sputnik Кыргызстан, 1920, 07.11.2022
Жазылуу
ЖМКлардын, полиграфия, радио жана телеберүү кызматкерлеринин кесиптик майрамы 1924-жылы кыргыз тилиндеги улуттук "Эркин-Тоо" гезитинин биринчи номеринин чыккан күнү белгиленет.
БИШКЕК, 7-ноя. — Sputnik. Кыргызстанда соңку беш жыл ичинде жалпыга маалымдоо каражаты катары катталган субъектилердин саны дээрлик 12 пайызга өстү. Мындай маалыматты Улуттук статистика комитети билдирди.
7-ноябрь — Маалымат жана басма сөз күнүнө карата комитет өлкөдөгү ЖМКлар жөнүндөгү статистиканы жарыялады.
"2022-жылдын башына карата Кыргызстанда жалпыга маалымдоо каражаты катары 1,8 миң субъект катталып, бул көрсөткүч акыркы беш жыл аралыгында ЖМКлардын саны 12 пайызга өскөндүгүн билдирди. Көз карандысыз 177 телерадиокомпания ишке киргизилген", — деп айтылат мекеменин маалыматында.
Анда быйыл кыргыз журналистикасынын түптөлгөнүнө 98 жыл болгону белгиленген.
"ЖМКлардын, полиграфия, радио жана телеберүү кызматкерлеринин кесиптик майрамы 1924-жылы кыргыз тилиндеги улуттук "Эркин-Тоо" гезитинин биринчи номеринин чыгышынын урматына белгиленген. Өлкөдө китеп басып чыгаруу иштери да XX кылымдын 20-жылдарында башталган. 2021-жылы 685 миң нуска менен 800 китеп басылып чыккан болсо, анын 54 пайызы кыргыз тилинде", — дешти Улуттук статистикалык комитеттен.
Мындан тышкары, мекеме бул жылдар аралыгында 72 миң нуска менен 29 журнал чыкканын, анын ичинен үчөө кыргыз тилинде экендигин кошумчалады.
ЖМК өкүлү. Архив - Sputnik Кыргызстан, 1920, 28.09.2022
ЖМК тууралуу жаңы мыйзам сунушталууда. Анда эмне жазылган?
Жаңылыктар түрмөгү
0