Открытие редакционного центра Sputnik Кыргызстан в Бишкеке - Sputnik Кыргызстан, 1920, 20.12.2021
Пресс-борбор

Эксперт: АКШ Евробиримдик интеграциясынын мүдүрүлүшү үчүн баарын жасады

© Sputnik / Владимир ТрефиловМосква мамлекеттик эл аралык институтунун профессору, Россия илимдер академиясынын мүчө-корреспонденти Алексей Кузнецов
Москва мамлекеттик эл аралык институтунун профессору, Россия илимдер академиясынын мүчө-корреспонденти Алексей Кузнецов  - Sputnik Кыргызстан, 1920, 31.10.2022
Жазылуу
Илимпоздун айтымында, бүгүнкү күндө айрым европа мамлекеттеринин биринчи болбосо да экинчи эшелондогу саясий держава болуу мүмкүнчүлүгү бар.
БИШКЕК, 31-окт. — Sputnik. АКШ Евробиримдик интеграциясынын мүдүрүлүп ара жолдо калышы үчүн болгон аркетин жумшады. Бул тууралуу Москва мамлекеттик эл аралык институтунун профессору, Россия илимдер академиясынын мүчө-корреспонденти Алексей Кузнецов Sputnik маалымат борборунда өткөн видеокөпүрө учурунда билдирди.
"Европа биримдиги жаңы дүйнө түзүлүштө көп улуттуу борбордук күч боло алабы? Тилекке каршы, жок. Бул америка саясатынын акыркы 20 жылдан берки эмгегинин үзүрү. АКШ үчүн Евробиримдик эң эле ыңгайсыз атаандаш эле, анткени калгандарын "туура эмес демократия", "туура эмес маданият" үчүн күнөөлөө оңой болчу... Көп учурда айыптар негизсиз болсо да америка коомчулугу ага ишенер эле", — деди Кузнецов.
Эксперттин айтымында, ЕБ менен адилеттүү атаандашуу зарыл болчу, бул АКШнын колунан келген жок. Эксперт евро жаңы чыккан жылдары долларга татыктуу альтернатива болгонун, андан соң чуулуу иштер башталганын белгиледи. Мисалы, Германиягы АКШнын аймагында сакталган алтын корун берүүдөн баш тартышты, евро колдонулган региондорго кысым көрсөтүлө баштады, чыгышка карай кеңейүүгө аргасыз кылып Европадагы интеграциянын табигый өнүгүшүнө карама каршы аракеттер жасалган.
"АКШ Евробиримдик интеграциясынын мүдүрүлүп ара жолдо калышы үчүн колунан келгендин баарын жасады, 2014-жылы Украинада болгон төңкөрүш жана 2013-жылдагы окуялар ЕБдин өз алдынча күч болуудан биротоло калтырды", — деди илимпоз.
Ал бүгүнкү күндө айрым европа өлкөлөрүнүн биринчи болбосо да экинчи эшелондогу саясий держава болууга мүмкүнчүлүгү бар экенин эскертти.
"Бул Евробиримдик үчүн чакырык, анткени Германия, Франция жана дагы бир катар мамлекеттердин (мисалы, Испания) экинчи деңгээлдеги өз алдынчалуу күч болуп калуу мүмкүнчүлүгү бар. Аны каалашабы, колунан келеби — бул экинчи маселе", — деп сөзүн жыйынтыктады Кузнецов.
Супермаркетте бош текчелердин жанында турган сатып алуучу. Архив - Sputnik Кыргызстан, 1920, 31.10.2022
Пресс-борбор
Эксперт дүйнөлүк азык-түлүк кризисинин башкы күнөкөрлөрүн атады
Жаңылыктар түрмөгү
0