Абдыров: маркалоо жаатында Россия, Беларустун тажрыйбасын колдонуу керек
© Sputnik / Асель Сыдыкова
Жазылуу
Экономика илимдеринин доктору, профессор Төлөнбек Абдыров Кыргызстанда чылым жана алкоголь ичимдиктерин маркалоо талабы бар экенин айтты.
Евразиялык экономикалык комиссиянын кеңешинде 2023-жылдын 1-сентябрына чейин ЕАЭБ өлкөлөрүндө маркалоону жөнөкөйлөтүү чечими кабыл алынды. Бул тууралуу Төлөнбек Абдыров Sputnik Кыргызстан радиосунун эфиринде маек куруп жатып билдирди.
Абдыров: маркалоо жаатында Россия, Беларустун тажрыйбасын колдонуу керек
Анын айтымында, Кыргызстанда чылым жана алкоголь ичимдиктерин маркалоо талабы бар.
"Евразия экономикалык биримдигине кирген өлкөлөргө товарды маркалоо (курамы, жарактуулук мөөнөтү, өндүрүүчүсү ж.б маалыматтар көрсөтүлүп), евразиялык шайкештик белгисин берүүнү жөнөкөйлөтүү каралды. Бул жөнөкөйлөштүрүү 2023-жылдын 1-сентябрына чейин созулат. Ошондой эле ал ЕАЭБдин техникалык регламенттеринин талаптарын сактоо боюнча милдеттенмелерди жокко чыгара албайт. Учурда 42 техникалык регламент бар. Чечим ЕАЭБ мамлекеттеринин экономикасынын туруктуулугун жогорулатуу, анын ичинде макроэкономикалык туруктуулукту камсыз кылуу максатында кабыл алынды. Көрүлгөн чара экономикалык санкцияга туш болгон товарлар менен ЕАЭБ рыногу туруктуу камсыз болушу үчүн зарыл. Бул технологиянын аркасында көзөмөл жана укук коргоо органдары мыйзам бузуулар болгон учурда товарлардын кыймылынын бардык чынжырына көз салып, жооптуу адамды аныктай алышат. Эгерде продукт маркаланууга тийиш болуп, бирок коду жок болсо, анда мындай продукт мыйзамсыз деп эсептелип, сатууга тыюу салынат. Ошентип базар ачык-айкын болуп, ар бир сатып алуучу мобилдик тиркеме аркылуу товарды текшере алат. Учурда Россия, Армения, Беларусь товарларын активдүү маркалап жатат. Биз дагы алардын тажрыйбасын колдонушубуз зарыл", — деди Абдыров.
Ал Кыргызстан товарды маркалоого даяр болбосо келечекте ЕАЭБ рыногуна чыга албай каларын эскертти.
