УКМК ишкер, маморгандарды маалымат берүүгө милдеттендирет. Токтом долбоору

© Sputnik / Илья Питалев / Медиабанкка өтүүКайтарылган аткаминер. Архив
Кайтарылган аткаминер. Архив - Sputnik Кыргызстан, 1920, 21.10.2022
Жазылуу
Документ кабыл алынып калса, 2023-жылдан баштап күчүнө кирет.
БИШКЕК, 21-окт. — Sputnik. Улуттук коопсуздук боюнча мамлекеттик комитет атайын кызматка милдеттүү түрдө маалымат бере турган тараптардын жана уюмдардын тизмесин түзүү аракетинде. Бул боюнча токтом долбоору коомдук талкууга коюлду.
Анда жазылгандай, ушул жылдын июль айында кабыл алынган "Улуттук коопсуздук боюнча органдар жөнүндө" мыйзамынын жаңы редакциясына ылайык, УКМК алдына коюлган милдеттерди аткаруу үчүн аларга көмөктөш боло турган бир катар мамлекеттик жана менчик уюмдар менен кызматташмакчы.
УКМК кызматташа турган тараптардын тизмеси:
атайын макамдагы мамлекеттик органдар;
министрликтер, административдик жана аскердик түзүмдөр;
жергиликтүү мамлекеттик администрациялар жана жергиликтүү өз алдынча башкаруу органдары;
менчигинин түрүнө карабай ишканалар, мекемелер, уюмдар;
ишкерлер, анын ичинде жеке ишкерлер дагы.
Атайын кызматтан алынган маалыматтар УКМКнын улуттук коопсуздукту камсыздоо боюнча милдетин аткаруусу, президентти жана жогорку бийлик өкүлдөрүн жаралган кооптуу абал туурасында кабардар кылып туруу үчүн гана керектелери белгиленди.
Анда айтылгандай, улуттук коопсуздук органдарын маалымат менен камсыздоо төмөнкүдөй аракеттер менен жүрөт:
комитет алдына коюлган тапшырманы аткаруу үчүн зарыл болгон маалыматтык системаларды лицензиясыз иштеп чыгуу, түзүү, колдонуу жана пайдалануу;
байланыш системасы жана маалыматтарды өткөрүү;
маалыматтарды коргоо системасы, анын ичинде криптографиялык коргоо да бар;
мамлекеттик органдардын, юридикалык жана жеке жактардын, аскердик түзүмдөрдүн жана коомдук бирикмелердин маалыматтык системасын, базасын пайдалануу.
Токтом долбоорунда тизмеде көрсөтүлгөн субъектилер атайын кызматты маалымат менен камсыздагандан тышкары өздөрүнүн маалыматтык системасын жана базасын колдонуусуна (анын ичинде аралыктан да колдонууга жеткиликтүү кылуу) жол ачышы керектиги жазылат.
Токтом долбоору кабыл алынса, 2023-жылдын 8-январында күчүнө кирет.
Аскер кызматкерлери. Архив - Sputnik Кыргызстан, 1920, 07.10.2022
Аскерде кызмат өтөө мөөнөтүн айрым учурда 14 айга узартуу мыйзамы сунушталды
Жаңылыктар түрмөгү
0