Кыргызстан БУУнун Адам укугу боюнча кеңешине мүчө болуп шайланды

© AFP 2023 / FABRICE COFFRINIБУУнун Адам укугу боюнча кеңеши. Архив
БУУнун Адам укугу боюнча кеңеши. Архив - Sputnik Кыргызстан, 1920, 12.10.2022
Жазылуу
Белгилей кетсек, Кыргызстан БУУнун Адам укугу боюнча кеңешине 2009-2012 жана 2016-2018-жылдары мүчө болгон.
БИШКЕК, 12-окт.— Sputnik. Кыргызстан 2023-2025-жылдарга БУУнун Адам укугу боюнча кеңешине мүчөлүккө шайланды. Бул тууралуу ТИМдин маалымат кызматы кабарлады.
Билдирмеге караганда, өлкө БУУнун штабында 126 мамлекеттин колдоосуна ээ болуп, шайлоодон жеңип чыккан. ТИМ Кыргызстандын Адам укугу боюнча кеңешине тандалышы боюнча тапшырма Садыр Жапаровдун көзөмөлүндө болгонун белгиледи. Эске салсак, мамлекет башчы БУУнун трибунасында, аталган уюмдун ассамблеясынын 77-сессиясынын жалпы дебаттарында дүйнөлүк коомчулукту өлкөнү колдоого чакырган.
Министрлик президенттин сөзү дипломатиялык кызмат тарабынан ийгиликтүү ишке ашканын кошумчалады. Азиялык топтон аталган кеңештин мүчөлүгүнө Кыргызстан, Афганистан, Бангладеш, Вьетнам, Мальдив жана Түштүк Корея ат салышкан.
"Кыргызстандын мындай абройлуу эл аралык органга тандалышы дүйнөлүк коомчулуктун өлкөнүн адам укуктарын коргоо боюнча салымын тааныганынан кабар берет", — деп айтылат маалыматта.
Белгилей кетсек, Кыргызстан БУУнун Адам укугу боюнча кеңешине 2009-2012 жана 2016-2018-жылдары мүчө болгон.
БУУнун Кыргызстандагы тутумунун жаңы дайындалган туруктуу координатору Антье Граве президент Садыр Жапаров менен жолугушуу учурунда - Sputnik Кыргызстан, 1920, 06.10.2022
Садыр Жапаров БУУнун КРдеги координатору Гравени кабыл алды. Эмне сөз болду
Жаңылыктар түрмөгү
0