https://sputnik.kg/20221001/sadyr-zhaparov-karylardy-kuttuktady-1068514629.html
Узак жана дөөлөттүү жашоону камсыз кылабыз. Садыр Жапаров карыларды куттуктады
Узак жана дөөлөттүү жашоону камсыз кылабыз. Садыр Жапаров карыларды куттуктады
Sputnik Кыргызстан
Мамлекет башчы улуу муундун өкүлдөрүнө татыктуу жашоо шарттарын түзүү негизги милдети экенин белгиледи. 01.10.2022, Sputnik Кыргызстан
2022-10-01T10:42+0600
2022-10-01T10:42+0600
2022-10-01T10:42+0600
кыргызстан
садыр жапаров
карылар
куттуктоо
майрам
https://sputnik.kg/img/07e5/0b/1c/1054784364_0:0:2835:1595_1920x0_80_0_0_640d5805775547298767cfb3b4c3bb61.jpg
БИШКЕК, 1-окт. — Sputnik. Президент Садыр Жапаров бүгүн Карылардын эл аралык күнү менен кыргызстандыктарды куттуктады. Бул тууралуу мамлекет башчынын маалымат кызматы билдирди.Жапаров кыргыз элинде кылымдардан бери көкүрөгүнө салт-санааны уютуп, келечекти көөдөн менен туюп билген карыларын аздектеп, урматтап келген улуу нарк бар экенин белгилеген.Ошондой эле ал тарыхый, маданий, руханий баалуулуктарды кылдаттык менен сактап келген улуу муундун өкүлдөрүнө татыктуу жашоо шартын түзүү, алардын коомго активдүү катышуусуна көмөк көрсөтүү негизги милдети экенин айтты."Бул багытта быйыл биз пенсияны жана социалдык төлөмдөрдүн көлөмүн кыйла жогорулаттык. Кадырман карыларыбыздын узак жана дөөлөттүү жашоосун камсыз кылууга күч-аракетибизди жумшап жатабыз. "Карыны сыйласаң абийир табасың" деген накыл кеп бар. Биз баарыбыз улгаябыз, карылык ар бирибиздин башыбызда. Карыларыбызга кам көрсөк, ал Кудайдан кайтат. Ардактуу аталар, ак саамайлуу энелер, баарыңыздарга чың ден соолук, узун өмүр каалайм. Төрүбүздүн, элибиздин көркү болуп, Кыргызстан калкына ак батаңыздарды берип жүрө бериңиздер!" — деди Жапаров.Мамлекет башчы ар бир кыргызстандыктын жүрөгүндө акылы кенч аталарыбызга, мээрими толгон апаларыбызга ыраазы болгон сезим жашай турганын билдирген.
https://sputnik.kg/20220930/mehriya-altyn-toj-zhubaj-kuttuktoo-1068496107.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, садыр жапаров, карылар, куттуктоо, майрам
кыргызстан, садыр жапаров, карылар, куттуктоо, майрам
Узак жана дөөлөттүү жашоону камсыз кылабыз. Садыр Жапаров карыларды куттуктады
Мамлекет башчы улуу муундун өкүлдөрүнө татыктуу жашоо шарттарын түзүү негизги милдети экенин белгиледи.
БИШКЕК, 1-окт. — Sputnik. Президент Садыр Жапаров бүгүн Карылардын эл аралык күнү менен кыргызстандыктарды куттуктады. Бул тууралуу мамлекет башчынын маалымат кызматы билдирди.
Жапаров кыргыз элинде кылымдардан бери көкүрөгүнө салт-санааны уютуп, келечекти көөдөн менен туюп билген карыларын аздектеп, урматтап келген улуу нарк бар экенин белгилеген.
"Сиздер турмуштун түрдүү даамын татып, ак-караны так ажыратып көзүңүздөр каныгып, оош-кыйыш кыйынчылыктарды бабалардан келе жаткан улуу нарк менен жеңип келдиңиздер. Биз сиздерден улуу наркты улап, андан ары алып кетүүнү үйрөнөбүз. Көптү көрүп көсөм болгон, салтты бузбай, каададан жазбай өмүр улаган өрнөктүү ата-энелердин көрөгөчтүгү, билгичтиги, акылы менен сабыры бизге ар дайым чоң сабак болот", — деди президент.
Ошондой эле ал тарыхый, маданий, руханий баалуулуктарды кылдаттык менен сактап келген улуу муундун өкүлдөрүнө татыктуу жашоо шартын түзүү, алардын коомго активдүү катышуусуна көмөк көрсөтүү негизги милдети экенин айтты.
"Бул багытта быйыл биз пенсияны жана социалдык төлөмдөрдүн көлөмүн кыйла жогорулаттык. Кадырман карыларыбыздын узак жана дөөлөттүү жашоосун камсыз кылууга күч-аракетибизди жумшап жатабыз. "Карыны сыйласаң абийир табасың" деген накыл кеп бар. Биз баарыбыз улгаябыз, карылык ар бирибиздин башыбызда. Карыларыбызга кам көрсөк, ал Кудайдан кайтат. Ардактуу аталар, ак саамайлуу энелер, баарыңыздарга чың ден соолук, узун өмүр каалайм. Төрүбүздүн, элибиздин көркү болуп, Кыргызстан калкына ак батаңыздарды берип жүрө бериңиздер!" — деди Жапаров.
Мамлекет башчы ар бир кыргызстандыктын жүрөгүндө акылы кенч аталарыбызга, мээрими толгон апаларыбызга ыраазы болгон сезим жашай турганын билдирген.
