Тажик аскерлери БТРде машыгуу учурунда. Архив - Sputnik Кыргызстан, 1920, 16.09.2022
Чек арадагы жаңжал. Кыргызстан менен Тажикстандын тиреши
2022-жылдын 16-сентябрында тажик тарап Кыргызстанды көздөй алты жерден ок ата баштаган, чек арада абал курч бойдон калууда.

Тажик тараптын аткылоосунан улам Чоң-Алайдан 5034 адам эвакуацияланды

© AFP 2022 / DANIL USMANOVБаткен облусунан эвакуацияланган аялдар жана балдар. Архив
Баткен облусунан эвакуацияланган аялдар жана балдар. Архив - Sputnik Кыргызстан, 1920, 17.09.2022
Жазылуу
НовостиTelegram
Тажик аскерлери бүгүн саат 12:37де миномёт жана артиллерия менен аткылап баштаган.
БИШКЕК, 17-сен. — Sputnik. Тажик тараптын аткылоосунан улам Чоң-Алай районунун 5034 тургуну эвакуацияланды. Бул тууралуу Өзгөчө кырдаалдар министрлиги билдирди.
Анын ичинен 92 адам убактылуу жайгашуу пунктуна, 4942 жаран жакындарынын үйүнө барган.
Учурда тамак-аш жергиликтүү бийлик тарабынан берилүүдө.
Чон-Алай району боюнча эвакуациялоо иш-чараларына Жарандык коргонуу кызматтарынан, Өзгөчө кырдаалдар министрлигинен жана жергиликтүү өз алдынча башкаруу органынан жалпы 185 кызматкер, 12 техника жана ошондой эле 673 жергиликтүү тургун, 149 техника тартылган.
ӨКМдин Ош облустук башкармалыгынан Чоң-Алай районуна 80 матрац, 44 жаздык, 500 жууркан бөлүнүп берилген.
Белгилей кетсек, бүгүн саат 12:37де миномёт жана артиллерия менен Тешик-Таш, Карамык жана Кароол-Дөбө айылдарындагы кыргыз чек арачыларынын позициясын аткылай баштаган. Эки тарап сүйлөшүп, саат 14:20да ок атуу токтогон.
Министрлер кабинетинин төрагасы Акылбек Жапаров  - Sputnik Кыргызстан, 1920, 17.09.2022
Чек арадагы жаңжал. Кыргызстан менен Тажикстандын тиреши
Акылбек Жапаров аткаминерлерге сөөк коюуга көмөктөшүүнү тапшырды
Жаңылыктар түрмөгү
0