Эртең БМУда билим берүү көргөзмөсү өтүп, 60 өлкөнүн ректорлору катышат

© Sputnik / Табылды КадырбековБишкек гуманитардык университети. Архив
Бишкек гуманитардык университети. Архив - Sputnik Кыргызстан, 1920, 14.09.2022
Жазылуу
Дүйнөгө белгилүү окумуштуулар, бизнес-коомчулуктун өкүлдөрү, чыгармачыл интеллигенция, эл аралык билим берүү уюмдары окуу жайга келери айтылды.
БИШКЕК, 14-сен. — Sputnik. Эртең, 15-сентябрда, Бишкек мамлекеттик университетинде EXPO-2022 эл аралык билим берүү көргөзмөсү өтөт.
Аталган иш-чара Ректорлордун дүйнөлүк форумунун алкагында уюштурулууда.
Көргөзмөнүн максаты — инновациялык экосистемалардын жогорку окуу жайларындагы ролун көрсөтүү, студенттердин жана мугалимдердин колунан жаралган инновациялык ойлоп табууларды бир жерге чогултуу.
Программа "Кыргызстандагы билим берүү жана карьера" деп аталган видеороликтин интерактивдүү демонстрациясы менен башталат. Ошондой эле өлкөнүн алдыңкы 30 окуу жайынын экспозициясы тартууланат. Аягында дүйөнүн ири жогорку окуу жайлары менен кызматташтык жөнүндө макулдашууларга кол коюлары күтүлүүдө.
Көргөзмөгө 60тан ашуун өлкөнүн алдыңкы университеттеринин 100дөй ректору катышат. Анын ичинде: Россия, АКШ, Улуу Британия, Германия, Индия, Түштүк Корея, Иран, Бириккен Араб Эмирлиги, Сауд Аравия, Түркия, Пакистан, Австрия, Австралия, Италия, Венгрия, Болгария, Польша, Словакия, Малайзия, Непал, Кения, Бангладеш, Өзбекстан, Казакстан, Армения, Азербайжан, Грузия бар. Дүйнөгө белгилүү окумуштуулар, бизнес-коомчулуктун өкүлдөрү, чыгармачыл интеллигенция, эл аралык билим берүү уюмдары жана ЖМКлар келери айтылды.
ОшМУ. Архив - Sputnik Кыргызстан, 1920, 14.09.2022
Жапаров: ОшМУ Кембридж, ал эми Чүй аймагы Силикон өрөөнү болушу мүмкүн
Жаңылыктар түрмөгү
0