Көлөпов: жоокерлердин өлүмү боюнча аскер бөлүктөрдө мониторинг жүргүзүлөт

"Соңку убакта төрт жоокер каза тапты. Окуялардын эмнеден келип чыгып жатканын аныктоо зарыл. Бул үчүн республика боюнча аскер бөлүктөрүндө мониторинг жүргүзүлүп, ар кандай ыкмада изилдөө жүргүзүлөт. Маселен, "дедовщина" деген азыр дагы бар экени белгилүү. Ошондой эле айрымдарды аскерге чакырууда медкомиссия тыкыр текшербей койгон учурлар кездешүүдө. Мындан тышкары, офицердик курамдын жоокерлерге жасаган мамилесин дагы кароо шарт. Анткени бирдик салдыргандар боюнча дагы маалыматтар айтылууда. Өзүн-өзү атып алгандар боюнча дагы изилдөө керек. Бул эмнеден чыгып жатат? Балким жоокерлерди чакыруудан мурда аларды даярдоо зарылдыр же бүтүрүүчү класстарда атайын сабактарды өтүү керектир. Бул мониторинг анонимдүү сурамжылоо, маектешүү жолу менен ишке ашырылат. Ошондой эле медкароо боюнча документтер текшерилет. Анын натыйжасы менен тийиштүү мекемелерге жана Жогорку Кеңешке сунуштар айтылат", — деди Көлөпов.