https://sputnik.kg/20220913/zhaparov-samarkandda-bolchu-shku-prezidentterinin-zhiyynyna-katyshat-1067821301.html
Жапаров Самаркандда өтө турган ШКУ президенттеринин жыйынына катышат
Жапаров Самаркандда өтө турган ШКУ президенттеринин жыйынына катышат
Sputnik Кыргызстан
Жапаровдун төрт мамлекеттин президенти жана бир өлкөнүн премьер-министри менен эки тараптуу жолугушуу өткөрөрү айтылды. 13.09.2022, Sputnik Кыргызстан
2022-09-13T17:04+0600
2022-09-13T17:04+0600
2022-09-13T17:14+0600
шку
кыргызстан
садыр жапаров
өзбекстан
самарканд
https://sputnik.kg/img/07e5/03/1f/1051960179_0:169:2835:1764_1920x0_80_0_0_b1026edf38a1ac5f42e86d2cae0d89c6.jpg
БИШКЕК, 13-сен. — Sputnik. Президент Садыр Жапаров Самаркандда өтө турган ШКУга (Шанхай кызматташтык уюму) мүчө мамлекеттердин башчыларынын кеңешинин жыйынына катышат. Бул тууралуу президенттин администрациясынын тышкы саясат бөлүмүнүн башчысы Муратбек Азымбакиев билдирген.Мамлекет башчылар Өзбекстандын Самарканд шаарына 14-16-сентябрда чогулмакчы.Андан сырткары, ШКУга мүчө өлкөлөрдүн саясий, экономикалык, социалдык-маданий жана башка чөйрөлөрдө өз ара кызматташуусун бекемдөөгө, уюмдун ишмердүүлүгүн кеңейтүүгө, жакшыртууга багытталган документтерге кол коюу пландаштырылып жатканы айтылды.Азымбакиев экология, эл аралык азык-түлүк коопсуздугу, энергетикалык коопсуздук жана башка актуалдуу маселелерге өзгөчө көңүл буруларын кошумчалаган.Кимдер катышат?Өзбек тараптын төрагалыгы алдында өтүүчү кеңештин ишине ШКУга мүчө мамлекеттер — Россиянын, Казакстандын, Кыргызстандын, Тажикстандын, Кытайдын, Пакистандын, Индиянын жетекчилери катышмакчы.Жапаров ШКУнун алкагында Россия, Кытай, Өзбекстан лидерлери Владимир Путин, Си Цзиньпин, Шавкат Мирзиёев, Иран президенти Ибрахим Раиси, Пакистан премьер-министри Шахбаз Шариф менен эки тараптуу жолугушууларды өткөрөрү айтылды.ШКУда байкоочу статусуна ээ болгон Беларусь, Ирандын жана Монголиянын президенттери да келет.Түркмөнстандын, Түркиянын, Армениянын жана Азербайжандын президенттери, БУУ, КМШ, ЖККУ, ЕАЭБ жана башка бир катар ири эл аралык уюмдардын жетекчилиги ардактуу конок катары катышары белгилүү болду.
https://sputnik.kg/20220723/mirziyoevn-ysyk-kol-video-1066274860.html
өзбекстан
самарканд
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
шку, кыргызстан, садыр жапаров, өзбекстан, самарканд
шку, кыргызстан, садыр жапаров, өзбекстан, самарканд
Жапаров Самаркандда өтө турган ШКУ президенттеринин жыйынына катышат
17:04 13.09.2022 (Жаңыртылды: 17:14 13.09.2022) Жапаровдун төрт мамлекеттин президенти жана бир өлкөнүн премьер-министри менен эки тараптуу жолугушуу өткөрөрү айтылды.
БИШКЕК, 13-сен. — Sputnik. Президент Садыр Жапаров Самаркандда өтө турган ШКУга (Шанхай кызматташтык уюму) мүчө мамлекеттердин башчыларынын кеңешинин жыйынына катышат. Бул тууралуу президенттин администрациясынын тышкы саясат бөлүмүнүн башчысы Муратбек Азымбакиев билдирген.
Мамлекет башчылар Өзбекстандын Самарканд шаарына 14-16-сентябрда чогулмакчы.
"ШКУ өлкөлөрүнүн лидерлери уюмдун форматындагы көп тараптуу жана көп векторлуу кызматташуунун маанилүү маселелерин, ошондой эле регионалдык жана эл аралык саясатты талкуулашат. Жогорку деңгээлдеги жолугушуулардын жыйынтыгында Шанхай кызматташтык уюмуна мүчө мамлекеттердин башчыларынын кеңешинин Самарканд декларациясына кол коюлат", — деп айтылган маалыматта.
Андан сырткары, ШКУга мүчө өлкөлөрдүн саясий, экономикалык, социалдык-маданий жана башка чөйрөлөрдө өз ара кызматташуусун бекемдөөгө, уюмдун ишмердүүлүгүн кеңейтүүгө, жакшыртууга багытталган документтерге кол коюу пландаштырылып жатканы айтылды.
Азымбакиев экология, эл аралык азык-түлүк коопсуздугу, энергетикалык коопсуздук жана башка актуалдуу маселелерге өзгөчө көңүл буруларын кошумчалаган.
Өзбек тараптын төрагалыгы алдында өтүүчү кеңештин ишине ШКУга мүчө мамлекеттер — Россиянын, Казакстандын, Кыргызстандын, Тажикстандын, Кытайдын, Пакистандын, Индиянын жетекчилери катышмакчы.
Жапаров ШКУнун алкагында Россия, Кытай, Өзбекстан лидерлери Владимир Путин, Си Цзиньпин, Шавкат Мирзиёев, Иран президенти Ибрахим Раиси, Пакистан премьер-министри Шахбаз Шариф менен эки тараптуу жолугушууларды өткөрөрү айтылды.
ШКУда байкоочу статусуна ээ болгон Беларусь, Ирандын жана Монголиянын президенттери да келет.
Түркмөнстандын, Түркиянын, Армениянын жана Азербайжандын президенттери, БУУ, КМШ, ЖККУ, ЕАЭБ жана башка бир катар ири эл аралык уюмдардын жетекчилиги ардактуу конок катары катышары белгилүү болду.
