Politico: Путин Европа лидерлерин айласыз абалга такап жатат

© Sputnik / Алексей Даничев / Медиабанкка өтүүРоссия лидери Владимир Путин
Россия лидери Владимир Путин - Sputnik Кыргызстан, 1920, 08.09.2022
Жазылуу
Баяндамачы жаратылыш газынын канчалык кымбаттагандыгын кышында европалыктар жон териси менен сезерин жазган.
БИШКЕК, 8-сен. — Sputnik. Россия лидери Владимир Путиндин ийгиликтүү саясаты Европага Батыш эртеби-кечпи, баары бир антироссиялык санкцияларды жумшарта тургандыгын көрсөттү. Бул туурасында РИА Новости Politico басылмасына шилтеме берип жазды.
"Жакындап келе жаткан бороон европалык жетекчилерди ачуу чындыкка кептеди: Россия менен Украина кармашып жатканда Кремль Европа менен каршылашкан позициясынан тайбайт", — деп айтылган макалада.
Анын автору Мэтью Карничнигдин айтымында, Еврокомиссиядагы жогорку даражалуу чиновниктердин бири ыймандай сыры менен бөлүшүп, "бул жаатта Путиндин жеңишке жетишеринен эч кандай шек жоктугун" билдирген.
Евробиримдиктеги нааразылык акциялардын өсүп баратышы европалык лидерлерди антироссиялык санкцияларды жумшартуу боюнча кескин талаптарга алып келип такай турганын кошумчалаган.
"Аба ырайын эске албаганда деле убакыт Москва тараптын кызыкчылыгына ойнойт. Кыш жакындап, суук күндөр бир нече айдан кийин боло тургандыгын эске алсак, европалыктар жаратылыш газына болгон баанын кандай өскөнүн жон териси менен сезет", — деген журналист.
Баяндамачынын айтымында, YouGov жүргүзгөн сурамжылоо аймактагы ири өлкөлөрдүн (Германия, Франция, Улуу Британия жана Польша) жашоочуларын Украинадагы чатакка караганда жашоонун баасы кызыктырарын көрсөткөн.
"Францияда элдин 40 пайызы "сары күрмөчөндөрдүн", тагыраагы, 2018-жылы апта сайын болгон нааразылык акциялардын кайтып келишин колдой турганын билдиришкен. Уюштуруучулар ал кезде муну "экономикалык адилеттүүлүк" деп атап, буга жетүү максатын коюшкан", — деп жыйынтыктаган ал материалын.
Россия Украинада атайын операциясын баштагандан тарта РФке санкциялар үстөккө-босток салына баштады. Негизинен ал энергоресурстарды сатуу жаатына катуулады.
Президент Владимир Путин бул Батыштын Россиянын экономикасын алсыратуу боюнча узак мөөнөттүү стратегиясы экендигин, ал эми чектөөлөр дүйнө экономикасына кесепетин болуп көрбөгөндөй тийгизгендигин айткан.
Түркиянын президенти Режеп Тайип Эрдоган. Архив - Sputnik Кыргызстан, 1920, 06.09.2022
Эрдоган: Батыш Путинге каршы санкциясынын азабын тартып жатат
Жаңылыктар түрмөгү
0