Мыкаачылыкка үйрөтүүдө. Нуржигит Кадырбеков ММА спортун жайылткандарды сындады

© Фото / пресс-служба Жогорку КенешаДепутат Нуржигит Кадырбеков
Депутат Нуржигит Кадырбеков - Sputnik Кыргызстан, 1920, 07.09.2022
Жазылуу
НовостиTelegram
Депутаттын айтымында, учурда "мен жеңил атлетика менен машыгам" деген балдар күлкүгө калууда.
БИШКЕК, 7-сен. — Sputnik. Жогорку Кеңештин депутаты Нуржигит Кадырбеков мыкаачылыкка үндөп жатат деп эрежесиз мушташты жайылткандарды сындады.
Эл өкүлү Кадамжайдагы 14 жаштагы кыздын өлүмүнүн себебинин түпкү маанисин кароо керектигине токтолду.
"Мурда спортчу десе 100 метрге чуркагандарды, волейболчуларды түшүнөт элек. Азыр "мен жеңил атлетика менен машыгам" десең күлөт. Спорт деген ММА, эрежесиз мушташ болуп калды. Мурда мушташсак, мурду канап кетсе кайра барып бетин жуушат элек. Азыр жыгылып калган адамды бетке тепмей, башка чапмай тарбия менен өсүп жатабыз. ММА дегендин тарбиясы, түпкү теги ошондой. Советтер Союзу мындайга тыюу салып туура эле кылган. Балдарга зомбулукту аябай эле жарнамалап жатабыз", — деди Кадырбеков.
Ошондой эле ал расмий статистика боюнча 100 миңдей баланын ата-энеси миграцияда жүргөнүн эске салды. Депутат өзүңө керек эмес бала эч кимге керек эместигин, андыктан жакшы тарбия берүү зарыл экенин белгиледи.
Депутаттар жыйын учурунда. Архив - Sputnik Кыргызстан, 1920, 07.09.2022
14 жаштагы кыздын өлүмү: депутаттар өлүм жазасын киргизүү керектигин айтууда
Жаңылыктар түрмөгү
0