ЖКда бирөөнүн талаасына мал жайса 30 миң сом айып салуу мыйзамы каралды

Талаадагы мал. Архив - Sputnik Кыргызстан, 1920, 05.09.2022
Жазылуу
НовостиTelegram
Учурдагы мыйзамда дыйкандардын эгин талаасын коргоо жоболору жетишсиз болуп жатканы белгиленди.
БИШКЕК, 5-сен. — Sputnik. Парламентте бирөөнүн эгин талаасына малы жайылып кеткени үчүн ээсине чоң суммада айып салуу мыйзам долбоору талкууланды.
Бүгүн Жогорку Кеңештин Агрардык саясат, суу ресурстары, экология жана регионалдык өнүктүрүү комитети "Укук бузуулар жөнүндө кодексине өзгөртүүлөрдү киргизүү тууралуу" мыйзам долбоорун карап, биринчи окууда жактырды. Демилгечи — эл өкүлү Дастан Бекешев.
Автордун айтымында, чөп оро турган же эгин эгилген талаага мал жайылып кетсе ээсине 30 миң, фермердик чарба, кооперативдер сыяктуу юридикалык жактарга 70 миң сом айып пул салынат. Экинчи ирет кайталанса 5 000 сом кошулат. Азыркы учурда айыпка төлөгөн каражат толук мамлекетке алынат, ал эми долбоордо сумманын 20 пайызын жер ээсине берүү сунушталган.
"Азыркы мыйзамда ушундай эреже бар, болгону айып пулдун суммасы аз. Бирок бөтөн талаага атайылап же кокусунан малы кирип кеткенин аныктоо талаш жаратууда. Комиссия караганда жергиликтүү депутаттар жеке кызыкчылыкка жараша иштешет экен. Өзүнүн жери болсо карап, карапайым элдикин көз жаздымда калтырышат. Ошондуктан эрежени такташыбыз керек. Кээде чөп тартыш болуп калат, малдын ээси жок дегенде талаанын ээсинен малын жайганга уруксат сураса. Анын жасаган көп эмгегин тебелеп жатпайбы", — деди Бекешев.
Депутаттар бул мыйзам жаңжалдын башаты болуп калышы мүмкүндүгүн, айылдык кеңештер аймактык өзгөчөлүккө жараша чечим кабыл алса болмоктугун айтышты. Мындан улам жер-жерлерде коомдук талкууларды уюштуруп, тийиштүү жактардын пирин угууга макулдашышты.
Жайыт. Архив  - Sputnik Кыргызстан, 1920, 13.06.2022
Айыл чарба министри кунарсыз жана асылдуу жайыттын айырмасын көрсөттү. Видео
Жаңылыктар түрмөгү
0