Радиостудия Sputnik Кыргызстан в Бишкеке - Sputnik Кыргызстан, 1920
Радио

Жихангир: Ван кыргыздарынын Түркияга көчүп барганына 40 жыл болду

© Sputnik / Табылды КадырбековВандык кыргыз Турсунбай Жихангир
Вандык кыргыз Турсунбай Жихангир - Sputnik Кыргызстан, 1920, 03.09.2022
Жазылуу
НовостиTelegram
Вандык кыргыз Турсунбай Жихангир кыргыздар Түркияга 1982-жылы көчүп барганын айтты.
21-августта Түркиянын Ван аймагындагы Улуу Памир айылында 1982-жылы Памирден көчүп барган кыргыздар уюштурган иш-чара өттү. Вандык кыргыздардын Түркияга көчүп барганына 40 жыл болду. Улуу Памир айылында 2500гө жакын кыргыз жашайт. Алардын 350гө жакыны мектеп окуучулары. Ал эми Стамбул, Анкара, Малатия жана Йозгат аймактарында беш миңден ашык вандык кыргыз бар. Бул тууралуу Турсунбай Жихангир Sputnik Кыргызстан радиосунун эфиринде маек куруп жатып билдирди.
Жихангир: Ван кыргыздарынын Түркияга көчүп барганына 40 жыл болду
Анын айтымында, башында көчүп барган калктын саны 1200дөй киши болгон.
"1978-жылы эл башчысы Рахманкул хан калкы менен Афганистандагы Памир жергесинен Пакистанга бет алган. Ал жерде төрт жыл жашап, суук жерден ысык климатка өткөн эл ооруп, көп киши каза болгон. Ошол учурда жер которуу үчүн эл башчысы, аксакалдар Европа мамлекеттери менен Түркиянын элчилигине кат жөнөтүшкөн. Алгач Американын Аляска штаты жер берүүгө макулдук берген. Андан кийин эле Түркиянын элчилиги да элди кабыл алууга даяр экенин билдирген. Жыйынтыгында тилибиз, динибиз жакын деп Түркияга барууну чечишкен. Ошентип кыргыздар Түркияга 1982-жылы көчүп барышкан. Ал эми Улуу Памир айылы 1987-жылы түптөлгөн. Айыл Түркиянын чыгышында Иран менен чектешкен Ван дубанында жайгашкан", — деди Жихангир.
Вандык кандашыбыз Кыргызстанга келип, 5-6 жылдан бери соода менен алектенип жатканын кошумчалады.
Жаңылыктар түрмөгү
0