Эки жыл мурун "Ош" базарынан ири суммада акча уурдаган чөнтөкчү кармалды. Видео

Жазылуу
Бишкектин "Ош" базарында уурулук менен алектенип жүргөн жаран кармалды. Бул тууралуу ИИМдин маалымат кызматы кабарлады.
Билдирүүгө ылайык, чет өлкөлүк жаран 2020-жылдын 26-декабрында болжол менен саат 06:40тар чамасында базардан 100 миң сом, 500 доллар, 200 евро жана 120 миң теңгени уурдатканын айтып милицияга кайрылган.
Аталган факт Ленин райондук милициясында катталып, тергөө амалдары башталган. Кийинчерээк бул иш ИИМдин Кылмыш иликтөө башкы башкармалыгына өткөрүп берилген.
"Ыкчам кызматкерлер мурда ушундай кылмыш иши үчүн соттолгондорду текшерген. Тыкыр иликтөөдөн соң шектүүлөр аныкталып, Нарын облусунун К.М. аттуу тургуну кармалган. Ал мурда дагы бир нече ирет соттолгон. Жогорудагы кылмыш ишине тиешеси бар дагы бир жаранды кармоо иштери жүрүп жатат", — деп айтылат маалыматта.
Видео байкоого тартылган кадрдан чөнтөкчүлөр базарда кезектеги жабырлануучуну күтүп турушканын көрүүгө болот.
Тема боюнча:
Бишкекте эркек кишини 18 миң долларга алдап кеткен деп 29 жаштагы кыз кармалды
Жаңылыктар түрмөгү
0