Баткенде жихадчылардын үч мүчөсү кармалды. УКМК видеосун жарыялады

© Sputnik / Табылды КадырбековСпецназ жоокерлери машыгуу учурунда. Архив
Спецназ жоокерлери машыгуу учурунда. Архив - Sputnik Кыргызстан, 1920, 25.08.2022
Жазылуу
НовостиTelegram
Жашаган жерин тинтүү учурунда граната жана ок-дары табылган.
БИШКЕК, 25-авг. — Sputnik. Кызыл-Кыя шаарындагы жихадчылар жамаатынын үч мүчөсү кармалганын УКМКнын маалымат кызматы кабарлады.
Колго түшүрүлгөндөрдүн жашаган жерлерин тинтүү учурунда үч РГД гранатасы, 7,62 миллиметр калибрдеги 49 даана, 5,45 миллиметрлик беш жана 9 миллиметрлик үч ок, үч бычак табылган. Аны менен катар көп сандагы электрондук маалыматтарды алып жүрүүчү каражаттар жана диний адабияттар алынган. Баллистикалык экспертизанын жыйынтыгы менен алынган ок-дары "согуштук" деп табылган.
Кармалгандардын тизмеси:
29 жаштагы Г.у.К. — Абу Нур каймана аты бар Кызыл-Кыя шаарынын тургуну, мурда соттолгон, жамааттын башчысы;
41 жаштагы П.А.И. — Кызыл-Кыя шаарынын тургуну, мурда соттолгон, жамааттын руханий насаатчысы, С.Бурятскийдин террористтик аудио-видеоматериалдарын таратат ("Кавказ Эмираты" ЭТУнун мүчөсү);
30 жаштагы К.Д.Р. — Кызыл-Кыя шаарында туулган, мурда Женго каймана аты бар К.Досоновдун кылмыштуу тобунун мүчөсү болгон, жамааттын мүчөлөрүнүн күжүрмөндүгү жана дене тарбия даярдыгы үчүн жооптуу.
"Абу Нура" кылмыштуу тобу Сириядагы экстремисттик террористтик уюмунун согушкерлерине материалдык жардам көрсөтүү максатында бир нече жылдын ичинде бир катар каракчылык чабуулдарды жасаган", — деп билдирди УКМК.
Кармалгандардын бири Баткен облустук милициянын убактылуу кармоочу жайына киргизилип, анын эки шериги боюнча теологиялык экспертизанын корутундусу чыкканына жараша тиешелүү чаралар көрүлөрү белгиленди.
Кишенчен адам. Иллюстративдик сүрөт - Sputnik Кыргызстан, 1920, 20.08.2022
Фейк-аккаунт ачып экстремизмди жайылтып жүргөн деп 22 жаштагы жаран кармалды
Жаңылыктар түрмөгү
0