"Тазалыктын" таштанды ташыган жумушчуларынын айлыгы көтөрүлөт

© Фото / пресс-служба МП "Тазалык""Тазалык" ишканасын кызматкерлери таштандыларды чыгарууда. Архив
Тазалык ишканасын кызматкерлери таштандыларды чыгарууда. Архив - Sputnik Кыргызстан, 1920, 10.08.2022
Жазылуу
Муниципалдык ишкананын таштанды чыгарган жумушчулары учурда 18 миңден 22 миң сомго чейин маяна алышат.
БИШКЕК, 10-авг. — Sputnik. "Тазалык" ишканасынын таштанды чыгарган жумушчуларынын айлык акысы көтөрүлөт. Бул тууралуу мэриянын маалымат кызматы кабарлады.
Билдирмеге караганда, акыркы айда таштанды чыгарган бөлүмдүн жумушчуларынын айлык маянасы 2 000 сомго көбөйтүлгөн. Бул каражат 15-августта 127 жумушчуга чегерилет. Жетекчилик айлыктарды август айында да көтөрүүнү пландап жатканы маалым болду. Бирок канча кошулары азырынча белгисиз. Муниципалдык ишкананын таштанды чыгарган жумушчулары учурда 18 миңден 22 миңге чейин маяна алышат.
Эске салсак, акыркы күндөрү шаардын ар кайсы райондорунун тургундары таштанды убагында чыгарылбай жатканын айтып нааразы болууда. Мэриянын маалымат кызматы "Тазалык" жана менчик компаниялар күнү-түнү тынбай иштеп жатканын кабарлады.
Улгайган аял. Иллюстративдик сүрөт - Sputnik Кыргызстан, 1920, 10.08.2022
Кыргызстанда пенсияга 2 000 сом кошулушу күтүлүүдө
Жаңылыктар түрмөгү
0