Кыргызстанга Pfizer алып келинди, бирок колдонууга азырынча берилбейт. Себеби

© AFP 2022 / CINDY ORDPfizer вакцинасы. Архив
Pfizer вакцинасы. Архив - Sputnik Кыргызстан, 1920, 08.08.2022
Жазылуу
НовостиTelegram
Pfizer–BioNTech вакцинасы Дүйнөлүк саламаттык сактоо уюму тарабынан колдонууга уруксат берилген препарат.
БИШКЕК, 8-авг. – Sputnik. Кыргызстанга COVAX механизминин алкагында COVID-19га каршы Pfizer-BioNTech компаниясынын 100 620 доза вакцинасы алып келинди. Бул тууралуу Республикалык иммундук профилактика борборунун жетекчиси Гүлбара Ишенапысова билдирди.
Анын айтымында, түшүнүксүз себептерден улам вакцина эриткичи жок келип калган.
"Pfizer-BioNTech компаниясынын күтүлүп жаткан дозадагы вакцинасы келди. Бирок түшүнүксүз себептерден улам препараттын эриткичи жок болуп чыкты. Учурда бул боюнча сүйлөшүүлөр жүрүп жатат. Кыргызстандан шашылыш чыгып жаткан жарандар вакцина алуу боюнча (0703) 126 442 номерине чалышса болот. Калган жарандарды кырдаалга түшүнүү менен мамиле жасоого чакырам", — деди Ишенапысова.
Белгилей кетсек, Pfizer–BioNTech вакцинасы Дүйнөлүк саламаттык сактоо уюму (ДССУ) тарабынан колдонууга уруксат берилген препарат. Эффективдүүлүгү 95 пайызды түзөт. Коргоо эффектиси биринчи дозаны алгандан 12 күн өткөндөн кийин өнүгө баштайт. Бирок вирустан толук коргонуу үчүн ДССУ тарабынан 21-28 күндүн аралыгында экинчи дозасын алуу сунушталат.
COVID бейтапы менен оорукананын бөлмөсүндө дарыгер. Архив - Sputnik Кыргызстан, 1920, 08.08.2022
Бир жума ичинде Кыргызстанда коронавирустун 895 учуру катталды
Жаңылыктар түрмөгү
0