Радиостудия Sputnik Кыргызстан в Бишкеке - Sputnik Кыргызстан, 1920
Радио

Маманов: бариатриялык операция ашыкча салмактан дарылоодо майнаптуу болууда

© Sputnik / Табылды КадырбековЭндоскопист жана лапароскопист, хирург, Бишкектеги клиникалардын биринин башкы дарыгери Нурдин Маманов
Эндоскопист жана лапароскопист, хирург, Бишкектеги клиникалардын биринин башкы дарыгери Нурдин Маманов - Sputnik Кыргызстан, 1920, 05.08.2022
Жазылуу
Yandex newsTelegram
Эндоскопист жана лапароскопист, хирург, Бишкектеги клиникалардын биринин башкы дарыгери Нурдин Маманов адамды семирүүнүн оор кесепеттеринен куткаруу үчүн кээде терапиядан тышкары хирургиялык кийлигишүү да талап кылынарын айтты.
Азыркы заманда семирүү, ашыкча салмак — актуалдуу маселелердин бири. Бир гана медициналык эмес, социалдык чоң көйгөй. Улуттук статистика комитетинин маалыматына таянсак, калктын 13 пайызы ашыкча салмак менен жабыркайт. Биздин өлкө үчүн өтө чоң көрсөткүч. Бул тууралуу Нурдин Маманов Sputnik Кыргызстан радиосунун эфиринде маек куруп жатып билдирди.
Маманов: бариатриялык операция ашыкча салмактан дарылоодо майнаптуу болууда
Анын айтымында, ашказан менен ичке ичегинин резекциясы (органдын бир бөлүгүн алып салуу) керектелүүчү тамак-аштын көлөмүн азайтууга жана пайдалуу заттардын сиңишине жардам берип, жыйынтыгында арыктоого алып келет.
"Бариатриялык жана метоболитикалык операциялардын технологиясы өткөн кылымдын 70-жылдарынын аягында иштелип чыккан. Бүгүнкү күндө бул ыкма семирүүнү дарылоодо абдан эффективдүү болууда. Операциядан кийин бейтаптын кан басымы түшүп, канты азайып, абалы жакшырат. Бирок каршы көрсөтмөлөр бар, ошондуктан хирургиялык кийлигишүү бардык ыкмалар түгөнгөндө гана жасалат. Ар бир эле ашыкча салмактагы адамдарга операция жасала бербейт. Мындайча айтканда, дүйнөлүк серепчилер белгилегендей, хиругиянын бул багытынын өз миссиясы, орду бар. Алгач өз алдынча туура тамактанып, көп кыймылдап, көнүгүүлөрдү жасап арыктоого аракет кылуу зарыл. Семирүүгө алып келген башка ооруларды же организмдеги өзгөрүүлөрдү аныктап, андан арылыш керек. Эгерде мындай аракеттер салмакты түшүрүүгө таптакыр жардам бербесе, анда бейтап эндоскопист, лапароскопистке кайрылышы керек. Анда да дарыгер индивидуалдуу түрдө ар бир бейтапты көрүп, изилдеп, анан гана операция жасап-жасабай турганын айтат", — деди Маманов.
Ал көп учурда семирүү кант диабетинин 2-тиби менен байланыштуу болгондо бариатриялык операция сунушталарын кошумчалады.
Жаңылыктар түрмөгү
0