Жакыпов: Бишкекте көмүрдүн баасы 4 000 сомдон ашпашы керек
Жазылуу
"Кыргыз көмүр" мамлекеттик ишканасынын директору Мирлан Жакыпов аталган ишкана калкты көмүр менен үзгүлтүксүз камсыздоо үчүн 50 техника сатып алганын белгиледи.
Көмүрдүн тоннасын төрт миң сомдон кымбат саткандар үстүнө ашыкча кошуп жаткан болот. Бул тууралуу Мирлан Жакыпов Sputnik Кыргызстан радиосуна маек куруп жатып билдирди.
Жакыпов: Бишкекте көмүрдүн баасы 4 000 сомдон ашпашы керек
Анын айтымында, адистер көмүрдү борбор калаага алып келүү чыгашасын жана ишкердин пайдасын кошуп эсептеп чыгышкан.
"Жылына 200-300 миң тонна көмүр Казакстандан алып келинчү. Аны көбүнчө бюджеттик мекемелер, эл колдонот. Мындан тышкары, аталган өлкөдөн 600-700 миң тонна Бишкек ЖЭБине алып келинчү. Быйыл андан баш тартып, жергиликтүү көмүргө өткөрүү каралууда. Ал үчүн Бишкек ЖЭБинин от казандары Кара-Кеченин көмүрүнө ылайыкташтырылды. Анткени Казакстанда көмүр тартыш, наркы кымбат болууда. Көбүнчө Европага экспорко чыгарылууда. Учурда Казакстан автоунаа менен көмүрдү сыртка алып чыгууга тыюу салды. Ошол эле учурда темир жол аркылуу мындай тыюу жок. Ошого карабастан өзүбүз толук көмүр менен камсыздалганча көмүрдү чыгарбоо сунушталууда. Былтыр Монополияга каршы жөнгө салуу боюнча агенттик көмүрдү жеринен чыгаруунун баасын 1 330 сомдон коюп берген. Быйыл күйүүчү май, тетиктер кымбаттаганына байланыштуу 1 450 сом деп коюлду. Адистер көмүр тартып келүүнүн чыгымдарын, ишкердин пайдасын кошуп эсептеп чыкты. Ага ылайык көмүрдүн орточо баасы борбор калаада 3 600 сомдун тегереги болот. Көмүрдүн тоннасы төрт миң сомдон кымбат сатылса ашыкча акча кошулуп жатканынын белгиси", — деди Жакыпов.
Ошондой эле ал көмүр тартышытыгы жаралабаш үчүн көмүр казуу иштери эрте башталганын кошумчалады.
