Кыргызстанда акчанын көлөмү алгачкы жолу 200 млрд. сомдон ашты

© Sputnik / Табылды КадырбековСом купюралары. Иллюстративдик сүрөт
Сом купюралары. Иллюстративдик сүрөт - Sputnik Кыргызстан, 1920, 02.08.2022
Жазылуу
Yandex newsTelegram
Бир айдын ичинде үч көрсөткүчтөгү сумма 15,5 миллиард сомдон 22 миллиард сомго чейин өскөн.
БИШКЕК, 2-авг. — Sputnik. Кыргызстанда 1-июлга карата акчанын көлөмү боюнча жаңы рекорд коюлуп, кеңири аныктамадагы акча базасы 200 миллиард сомдон ашты.
Улуттук банк акчанын көлөмү боюнча 2003-жылдан берки маалыматтарга ээ. Эгерде анализдей турган болсок, азыркы сумма рекорддук көрсөткүч болуп саналат.
Улуттук банктын маанилүү үч көрсөткүчү боюнча абал төмөнкүдөй:
акча базасынын көлөмү — 183,4 миллиард сом (мурдагы рекорд 166,1 миллиард сом);
кеңири аныктамадагы акча базасы — 203,6 миллиард сом (181,6 миллиард сом);
жүгүртүүдөгү акча — 165 миллиард сом (149,6 миллиард сом).
Мындайча айтканда, бир айда аталган көрсөткүчтөрдүн суммасы 15,5 миллиард сомдон 22 миллиард сомго чейин өскөн.
Белгилей кетсек, соңку жылдары акчанын көлөмү өсүп келе жатат. Мисалы, кеңири аныктамадагы акча базасы 2017-жылы биринчи жолу 100 миллиард, 2020-жылы 150 миллиард сомдон ашкан.
Жүгүртүүдөгү акча — бул калктын насыялык уюмдардын кассасындагы калдыгы менен кошо эсептелген каражаты;
Акча базасы — айлантуудагы акча жана каржылык (аманаттык) уюмдардын сом түрүндөгү резерви;
Кеңири аныктамадагы акча базасы — айлантуудагы акча, аны менен бирге каржылык уюмдардын Улуттук банкта сакталган бардык резервдери (чет элдик валюта, сом) жана аманаттары.
Биткоин сувенирдик тыйыны. Архив - Sputnik Кыргызстан, 1920, 26.07.2022
Криптовалютага инвестиция салуу тобокелдиги. Улуттук банктын түшүндүрмөсү
Жаңылыктар түрмөгү
0