ЖМК: Германия Евробиримдиктеги лидерлигин колдон жулдурганы калды

© Sputnik / Игорь Зарембо / Фотобанкка өтүүРейхстагдын байкоо площадкасы. Архив
Рейхстагдын байкоо площадкасы. Архив - Sputnik Кыргызстан, 1920, 29.07.2022
Жазылуу
Yandex newsTelegram
Азыркы түзүлүп жаткан кырдаал Россияга каршы санкциялык кампаниянын натыйжасында келип чыккан энергетикалык кризиске байланыштуу жаралды.
БИШКЕК, 29-июл. — Sputnik. Германия Евробиримдиктеги лидерлигин жоготуп бара жатат. Бул тууралуу Bloomberg басылмасындагы макалага шилтеме берип РИА Новости жазды.
Маалыматка караганда, бул Россияга каршы санкциялык кампаниянын натыйжасында келип чыккан энергетикалык кризиске байланыштуу.
"Он жылдан ашык убакыттан бери Берлин Европа биримдигинде эң жогорку моралдык жана каржылык күчкө, бийликке ээ болгон. Биримдиктин саясатын аныктап, түштүк европалык алсызыраак мамлекеттерге үстөмдүк кылып жүргөн. Бирок энергетикалык кризис баарын өзгөрттү", — деп айтылат макалада.
Автордун пикиринде, Германиянын экономикалык моделинин негизги кемчилиги — анын Россиядан көз карандылыгы.
"Берлин шок абалынан чыгууга аракет кылып жатканда, Европанын түштүгү активдешип, өжөрлөнүп бара жатат. Бирок бул Германия киргизген үнөмдөө режими үчүн өч алуу эмес, Евробиримдикти кайрадан бутка тургузчу кадамдар болушу мүмкүн", — дейт ал.
Россия Украинаны демилитаризациялоо боюнча атайын операциясы башталгандан кийин Батыш Москвага каршы санкциялык кысымын күчөткөн. Кээ бир өлкөлөр россиялык активдердин тоңдурулганын жарыялашты, көптөгөн бренддер РФтен чыгып кеткен.
Андан соң Европада Россиянын энергетикалык ресурстарынан баш тартууга чакырыктар күчөгөн. Бирок мунун баары Батыштын өзүндө көйгөйлөргө айланып, инфляциянын кескин өсүшүнө, азык-түлүк менен бензинге баанын жогорулашына түрткү болду.
ШКУ желеги. Архив - Sputnik Кыргызстан, 1920, 29.07.2022
ШКУ: Батыш Россия менен Кытайга каршы гибриддик согуш баштады
Жаңылыктар түрмөгү
0