American Thinker: Россия мунай согушунда АКШны жеңип чыкты

© Фото / Pixabay / redhawkgroupМунай өндүрүү. Иллюстративдик сүрөт
Мунай өндүрүү. Иллюстративдик сүрөт - Sputnik Кыргызстан, 1920, 27.07.2022
Жазылуу
Yandex newsTelegram
Эр-Рияд электр энергиясын өндүрүү үчүн чийки затты Москвадан сатып алып, өзүндө казылган ресурсту Батышка жогорулатылган баада экспорттойт. Бул жагдайда Россия жеңүүчү болуп саналат.
БИШКЕК, 27-июл. — Sputnik. АКШ баштаган Россия мунайына каршы санкциялар өздөрүнө каршы иштеп жатат. Бул тууралуу American Thinker басылмасынын баяндамачы Томас Лифсон өз макаласында жазды.
Серепчи эске салгандай, Батыш өлкөлөрү Россиядан мунай сатып алууга эмбарго киргизген. Жыйынтыгында ресурстун баасы жогорулап, тартыштык жаралган. Бирок автордун айтымында, Брюссель менен Вашингтон өз аракеттери менен санкциялардын маанисиз экенин тастыктап коюшту. Анткени Россия мунайы алар күткөндөй  кампаларында топтолбой, Сауд Аравиясына чектөө киргизилгенге чейинкиден дагы бир топ кымбат баада сатылып жатат.
Эр-Рияд электр энергиясын өндүрүү үчүн чийки затты Москвадан сатып алып, өзүндө казылган ресурсту Батышка жогорулатылган баада экспорттойт. Лифсондун айтымында, бул жагдайда Россия жеңүүчү болуп саналат. Ал АКШ менен Европанын санкцияларын кылдаттык менен айланып өтүп олуттуу киреше алып келет. Ал эми АКШ менен Европа кымбатыраак болсо дагы Сауд мунай импортуна көз каранды болуп, күйүүчү май согушунан утулуп жатат.
"Ким жеңилип жатат? Сиз, мен жана дүйнө жүзүндөгү керектөөчүлөр. Өзгөчө Россияга каршы чектөө чараларын колдонгон өлкөлөр куурай баштады. Санкциялар Байдендин көптөгөн тышкы саясий демилгелери сыяктуу эле тескери саясат жана акылсыздык", — деди Лифсон америкалык окурмандарга кайрылуусунда.
Февраль айынын соңунда Россия Украинаны демилитаризациялоо боюна атайын операциясын баштаган. Президент Владимир Путин Россияны алсыратуу саясаты Батыштын узак мөөнөттүү стратегиясы экендигин, ал эми санкциялар дүйнө экономикасынын шайын бир топ эле алып койгондугун эскерткен. Анын айтымына караганда, Батыштын максаты — миллиондогон адамдардын жашоо-турмушун начарлатуу.
БУУнун штаб-квартирасында желек. Архив - Sputnik Кыргызстан, 1920, 27.07.2022
БУУ: Батыштын санкциялары аялуу катмарга сокку болуп жатат
Жаңылыктар түрмөгү
0