Бекмурзаев: кийинки жылы электр энергиясын кымбаттатыш керек деп эсептейм

© Пресс-служба правительства / Алишер АлиевЭнергетика министри Доскул Бекмурзаев. Архив
Энергетика министри Доскул Бекмурзаев. Архив - Sputnik Кыргызстан, 1920, 27.07.2022
Жазылуу
Министр быйыл тариф эч кандай өзгөртүлбөй турганын белгиледи.
БИШКЕК, 27-июл. — Sputnik. Кийинки жылы электр энергиясынын тарифин жогорулатыш керек деп эсептейм. Мындай пикирин энергетика министри Доскул Бекмурзаев маалымат жыйында билдирди.
Аткаминер учурда экономиканын бардык тармагында баалар өскөнүн, бир гана электр кубатынын тарифи өзгөрбөй жатканын айтты.
"Белгилеп кетейин, быйыл электр энергиясынын тарифи өзгөртүлбөйт. Президент Садыр Нургожоевич эл кыйналып турганда кымбаттатпай турууну тапшырган. Бирок кийинки жылы бааны көтөрүш керек деп эсептейм. Мисалы, эгер 2023-жылы энергетика тармагына республикалык бюджеттен субсидия кылбасак, эң төмөнкү тариф 1,5 сом болмок. Ал эми 2030-жылы дагы эки эсе кымбаттамак", — деди Бекмурзаев.
Ошондой эле министр элди энергетика тармагындагы көйгөйдү түшүнүп, кырдаалга жараша жасалган кадамдарды туура кабыл алууга чакырды.
Электр автоматтары. Архив - Sputnik Кыргызстан, 1920, 27.07.2022
Колунда бар адамдар үчүн электр энергиясына чексиз тарифи киргизилет. Баасы
Жаңылыктар түрмөгү
0