"Газпром" газдын көлөмүн кыскарткан соң Европада дүрбөлөң башталды

© AFP 2022 / DAMIEN MEYERГаз оту. Архив
Газ оту. Архив - Sputnik Кыргызстан, 1920, 26.07.2022
Жазылуу
Yandex newsTelegram
Европада газдын баасы сегиз пайызга кымбаттап, миң куб метри 1 850 доллардан ашты.
БИШКЕК, 26-июл. — Sputnik. "Газпром" компаниясы "Түндүк агым" аркылуу газ жеткирүүсүн суткасына 33 миллион куб метрге чейин кыскартарын билдиргенден кийин Европада дүрбөлөң башталды. Бул тууралуу британиялык Express гезитинин баяндамачысы Жейкоб Пол жазды.
Ал белгилегендей, Евробиримдик өлкөлөрүнүн энергетика министрлери дароо реакция кылып, бүгүн алар Брюсселде газды үнөмдөө боюнча чукул жыйынга чогулушту.
"Европа комиссиясы дал ушул сценарийден корккон", — деп айтылат макалада.
Июнь айынын ортосунда "Газпром" компаниясы "Түндүк агым" газ кууру аркылуу сордуруу кубаттуулугун болжол менен 40 пайызга чейин азайткан. Муну "Портовая" компрессордук станциясынын Siemens агрегатын оңдоо кечиктирилгени менен түшүндүргөн. Июль айынын башында Канада Россияга өткөрүп берүү үчүн тетикти Германияга жөнөтүүгө макул болгон.
Магистраль 21-июлда пландык оңдоодон кийин иштей баштады, бирок 27-июлдан тарта "Газпром" ишканасы "Портовая" компрессордук станциясында дагы бир Siemens турбинасын иштетүүнү токтотуу чечимин кабыл алган. Натыйжасында "Түндүк агым" аркылуу жеткирүү суткасына 33 миллион куб метрден ашпайт, башкача айтканда, номиналдык кубаттуулуктун 20 пайызына чейин гана жетет.
Мунун фонунда Европада газдын баасы сегиз пайызга кымбаттап, миң куб метри 1 850 доллардан ашты.
Евробиримдиктин эмблемасы. Архив - Sputnik Кыргызстан, 1920, 26.07.2022
Франциялык ЖМК: Европанын санкциялык мүмкүнчүлүктөрү түгөндү
Жаңылыктар түрмөгү
0