Радиостудия Sputnik Кыргызстан в Бишкеке - Sputnik Кыргызстан, 1920
Радио

Советбекова: шахматта кыздардын орду жакшы деңгээлге чыкты

© Sputnik / Табылды КадырбековКыздар арасында шахмат боюнча Кыргызстандын көп жолку чемпиону Нурай Советбекова
Кыздар арасында шахмат боюнча Кыргызстандын көп жолку чемпиону Нурай Советбекова - Sputnik Кыргызстан, 1920, 20.07.2022
Жазылуу
Yandex newsTelegram
Кыздар арасында шахмат боюнча Кыргызстандын көп жолку чемпиону Нурай Советбекова шахматта жакшы жыйынтык көрсөтүү үчүн күнүнө кеминде 5-6 саат машыгуу керектигин айтты.
Акыркы учурларда Кыргызстанда шахматка кызыккан кыздар көбөйүп, жакшы деңгээлге чыкты. Ал эми дүйнөлүк шахматта аялдардын орду маанилүү ролду ойной баштады. Бул тууралуу Нурай Советбекова Sputnik Кыргызстан радиосунда маек куруп жатып билдирди.
Советбекова: шахматта кыздардын орду жакшы деңгээлге чыкты
Анын айтымында, шахматтагы беттештер узак убакытка созулгандыктан күч талап кылган машыгууларга жана психикалык жактан көнүгүүлөргө да көңүл бурулат.
"Шахмат — сыртынан жөнөкөй, кыймылдабай отургандай көрүнгөнү менен күчтү талап кылган спорт. Интеллектуалдык жактан гана эмес психологиялык, спорттук даярдык абдан маанилүү. Анткени шахматта жакшы жыйынтык көрсөтүү үчүн күнүнө 5-6 саат машыгуу керек. Түрдүү тактикалык аракеттерге даярдык көрүп, атаандаштын оюн билүүгө көп убакыт кетет. Мындан тышкары, спортчунун ийгилигинде мыкты машыктыруучунун жана ата-эненин колдоосу зарыл. Учурда өлкөдө шахмат мектеби жакшы деңгээлге чыгып калды. Мисалы, акыркы учурларда Кыргызстанда шахматка кызыккан кыздар көбөйүп, атаандаштык күч боло баштады. Анткен менен аялдар арасында дүйнөдө акыл оюну менен алектенгендер абдан көп", — деди Советбекова.
Ошондой эле спортчу мамлекеттик колдоо болбогондуктан эл аралык турнирлерге ата-энелер балдарын өз акчаларына алып барарын кошумчалады.
Жаңылыктар түрмөгү
0