Таласта мал сойгондон кийин эки адамдан күйдүргү илдети аныкталды

© AFP / PEDRO PARDOОоруканадагы бейтап. Архив
Ооруканадагы бейтап. Архив - Sputnik Кыргызстан, 1920, 15.07.2022
Жазылуу
Көк-Сай айылынын тургундары оорусу бар делген уйду сойгону маалым болду.
БИШКЕК, 15-июл. — Sputnik. Талас облусунун Кара-Буура районунда эки адамдан күйдүргү аныкталды. Бул тууралуу Саламаттык сактоо министрлигинин маалымат катчысы Жылдыз Айгерчинова билдирди.
Анын айтымында, 12-июлда райондун Жалпы дарыгерлер практикалык борборунун инфекциялык бөлүмүнө беш киши күйдүргүгө шектелип түшкөн. Ошол эле күнү алардан анализ алынган.
"Көк-Сай айылынын тургундары оорусу бар делген уйду сойгону маалым болду. Кийин колдоруна жара чыга баштаганда райондук ооруканага жаткырылган. Лабораториялык анализде экөөнүн күйдүргү жуктурганы тастыкталды. Алардын абалы туруктуу. Тиешелүү дарылануудан өтүп жатышат", — деди Айгерчинова.
Мамлекеттик санитардык-эпидемиологиялык көзөмөл департаментинин адистери оорунун жайылышына жол бербөө үчүн үйлөрдү кыдырып текшерүүдө.
Начальник отдела эпизоотического контроля фитосанитарной безопасности Адилет Сотовалдиев - Sputnik Кыргызстан, 1920, 22.09.2021
Радио
Сотовалдиев: күйдүргү менен үй жаныбарларынын баары ылаңдайт
Жаңылыктар түрмөгү
0