Бүтүрүүчүлөр тоого чыгып кетпесин. Милиция шаар четине блокпост коюп текшерет

© Sputnik / Табылды КадырбековБишкектеги милиция кызматкерлери. Архив
Бишкектеги милиция кызматкерлери. Архив - Sputnik Кыргызстан, 1920, 07.07.2022
Жазылуу
Учурда борбор калаада 11-класстын бүтүрүүчүлөрүнүн аттестат алуу аземи өтүп жатат.
БИШКЕК, 7-июл. — Sputnik. Бүгүн түштөн кийин шаардан чыгуучу чоң көчөлөрдө атайын блокпосттор орнотулуп, өспүрүмдөр менен бара жаткан унаалар текшерилет. Бул туурасында Бишкектин Кайгуул милиция кызматы кабарлады.
Азыркы учурда борбор калаанын дээрлик бардык мектептеринде 11-класстын бүтүрүүчүлөрүнүн аттестат алуу аземи өтүп жатат.
© Фото / пресс-служба УПСМ БишкекаРейд УПСМ по проверке выпускников школ в Бишкеке
Рейд УПСМ по проверке выпускников школ в Бишкеке - Sputnik Кыргызстан, 1920, 07.07.2022
Ушуга байланыштуу кайгуул кызматкерлери ар бир мектепте коомдук коопсуздукту жана жол кыймылынын коопсуздугун камсыздоо чараларын көрүүгө киришти. Ошондой эле өспүрүмдөр катышкан кылмыштарга, укук бузууларга, ичкилик, баңгилик өңдүү ар кандай терс көрүнүштөргө жол бербөө боюнча күчөтүлгөн тартипте иш алып барууда.
Андан сырткары, бүтүрүүчүлөр иш-чара бүткөндөн кийин ата-энелеринин жана улуу кишилердин коштоосу жок өз алдынча тоого же эс алуучу жайларга чыгып кетпеши көзөмөлдөнөт.
Кайгуул милиция ата-энелерге да кайрылып, балдарын тыкыр көзөмөлдөп турууга чакырды.
Бишкекте рейд учурунда милиция кызматкерлери менен наркологдор - Sputnik Кыргызстан, 1920, 27.06.2022
Милиция наркологдор менен коомдук транспорттун айдоочуларын текшерүүдө. Сүрөт
Жаңылыктар түрмөгү
0